Os solicitantes teñen 15 días hábiles para presentar a súa documentación ante a consellería do Mar. Imaxe: Facebook Pindo Mariño A consellería do Mar convoca seis permisos de explotación de percebe a pé na confraría de pescadores do Pindo. Para poder optar a eles, os solicitantes deben cumprir, entre outros, os requisitos esixidos no Decreto 425/1993, do 17 de decembro, polo que se regulan os permisos de explotación para exercer a actividade pesqueira e marisqueira e o que establece a orde que regula a explotación dos recursos específicos. Ademais deben presentar a documentación requirida pola consellería do Mar. O prazo de presentación de solicitudes é de 15 días hábiles, tras a publicación desta convocatoria no taboleiro de anuncios da Xefatura Territorial e na páxina web da Consellería. As solicitudes e a documentación acreditativa deberán presentarse preferiblemente por vía electrónica a través do formulario normalizado dispoñible na sede electrónica da Xunta. Opcionalmente tamén se poderán presentar en papel nas oficinas de rexistro da Xunta de Galicia, oficinas de correos ou no resto de lugares indicados na Lei de réxime xurídico das administracións públicas e do procedemento administrativo común. Os interesados poderán consultar a convocatoria na páxina web da Consellería. Unha vez rematado o prazo de solicitude, a consellería do Mar procederá á súa valoración. As solicitudes que cumpran os requisitos establecidos serán estudadas e baremadas de acordo co baremo para obter o permiso de explotación a pé para recursos específicos, aprobado pola resolución do 4 de maio de 2016 da dirección xeral de Desenvolvemento Pesqueiro.

Novas relacionadas

• O furtivismo, a regulación da mexilla e a axilidade das subvencións, os problemas máis importantes das confrarías de Carnota.
• Carmen, a mariscadora de Quilmas.
• Calafateando: Diario dunha mariscadora.
• As mariscadoras salvan o seu mar da Basa.

Fonte

• Redacción QPC (info@quepasanacosta.com)
• Consellería do Mar