Falando do ensino vangardista que ofrecen as nosas escolas rurais, volvemos ao CEIP O Pindo que precisamente ten as súas Xornadas de Portas Abertas para recibir novas familias a vindeira semana.

Esta clase de centros pequenos teñen a flexibilidade para participar en accións comunais, actividades organizadas polas entidades do arredor, como é a Confraría. O activo pósito do Pindo continúa co seu proxecto “Un mar de Mulleres” e que mellor que espallalo a trávés da rapazada.

O alumnado do centro pindexe puido participar na actividade “Remando cara a igualdade”, unha charla con Fátima Rodríguez Figueiras (Técnica de Igualdade), Merche Díaz Mayán (Secretaria da Confraría) e María Elena García Lestón (mariscadora e vicepatroa da confraría).

Unha charla enriquecedora que volve poñer en valor o traballo das nosas mulleres do mar.

Máis novas