Xa vimos nos últimos días que a natureza pode ser a nosa amiga pero ás veces non tanto. Falamos do caso dos mozos que se perderon no Monte Pindo e tiveron que ser rescatados de madrugada. Hoxe falamos da xoia da coroa en tono positivo. I é que a Asociación Monte Pindo Parque Natural vén de artellar unha nova actividade para dar a coñecer o Olimpo Celta. Trátase dun amplo roteiro a desenvolver o sábado 22 de setembro. Está previsto que a actividade comece ás 08:00h da mañá no Fieiro, lugar onte tamén rematará o percorrido. Dende a organización explican que é un roteiro un pouco máis longo do habitual, e o obxectivo é o de dar a coñecer máis en profundidade algúns dos puntos máis descoñecidos, aos que difícil é chegar sen a axuda de persoas expertas. Falamos de lugares tan fermosos coma o Pico Penafiel ou a Cova da Xoana. Tamén visitarán a Laxe da Moa. Outra das funcións da visita radica en evitar os episodios sucedidos nas últimas semanas, nas que foron ata 10 persoas as que se perderon. Requisitos e recomendacións A asistencia a esta actividade terá carácter gratuito. Recoméndase levar o xantar, e roupa e calzado cómodos e axeitados á meteoroloxía. Tamén auga.

Novas relacionadas

• Atopados catro mozos no Monte Pindo con síntomas de hipotermia.
• A estafa das Marabillas Naturais de Galicia chega ao Parlamento.
• Prouxiarado: Estafáronnos coa paisaxe?.
• O Monte Pindo, nun concurso para escoller marabillas naturais.

Fonte

• Nota de prensa da Asociación Monte Pindo Parque Natural.
• Redacción de QPC ([email protected]).