Xa demos conta en QPC dos obradoiros de cociña que acolle Lira, unha actividade que comezaba o pasado martes e remata hoxe xoves. Trátase dunha cita organizada pola Confraría de Pescadores da vila carnotá, co financiamento da Consellería do Mar e a colaboración de Fishernet. Dende a organización tildaban a actividade de “divertida e interesante coa que pasar un tempo agradable, ao tempo que aprendemos a coñecer e cociñar os produtos do noso mar”. E a xulgar polas fotos que xa temos sobre a cita, certo é. Entre os participantes, aos que se lles ve coa indumentaria axeitada e moi atarefados, atopamos a xente de todas as idades, dende os máis pequenos da casa ata os máis grandiños, e de ámbolos dous sexos. Non se ve a moitos homes, pero da presenza masculina tampouco se dubida na actividade.

Novas relacionadas

• Lira achegouse á sostibilidade no mar.
• O carnotán Xoán López Cambeiro acadou o segundo posto no Campionato CazaFotosub de Lira.
• A Reserva Mariña de Lira segue dando exemplo en festivais de todo o mundo.
• Unha reserva de vida na Costa da Morte.
• A Reserva Mariña expande as súas redes en conferencias e en Festivais de Cine.

Fonte

• Fotografías achegadas por Emilio Louro Milucho.
• Redacción de QPC (info@quepasanacosta.gal).