Así estaba o Formigón do Ézaro a chegada do pelotón de La Vuelta 2016

Vaia luxo recibir ao pelotón de La Vuelta a España na Costa da Morte. Vaia tesouros para a promoción turística esas imaxes que deixa a retransmisión televisiva a máis de 190 países de todo o mundo. Chegou a serpe multicolor na 3ª etapa de #LV2016 ao alto do Ézaro. E alí estaban esperando apostados nas marxes da estrada de subida ao monte dende primeiras horas da mañá, milleiros de persoas que, respondendo ás espectativas creadas, déronlle unha multitudinaria aos mellores ciclistas do mundo.

Así está ahora mismo la subida al Mirador!! #PasaLaVuelta #LV2016 pic.twitter.com/w9qOH8UF6F

— Vuelta a España (@lavuelta) 22 agosto 2016

Hai catro anos, unha etapa de La Vuelta xa rematou na epectacular ascensión ao Mirador do Ézaro, “uno de los sitios más bellos por los que ha pasado la ronda española en los últimos años”, segundo afirma a propia organización do evento na súa páxina web. Nesta 71º edición, o Ézaro volveu ser protagonista.

No seu percorrido coruñés, o itinerario pasou por Boiro, Noia, Serra de Outes, O Freixo, Mazaricos, Serres, Caldebarcos, Quilmas e O Pindo, entre outras localidades, deixando ao seu paso dous portos de terceira e segunda categoría, o alto de Lestaio (450 m.) e o das Paxareiras (515 metros), e impactantes imaxes nas que as comarcas de Barbanza e a Costa da Morte foron protagonistas.

Finalmente foi o francés Alex Geniez o gañador de etapa, pero unha das mellores promesas do noso ciclismo, Rubén Fernández, foi o protafgonista convertíndose en líder tras facer unha lixeirísma subida ao mirador. Froome tamén deixou constancia da súa calidade e tras perder varios segundos no comezo da durísima subida (con rampas como a do Formigón que rondan o 30%), conseguíu chegar co grupo de favoritos, algo que non conseguiu Alberto Contador, a meirande aposta do ciclismo español polo podio, que rematou con 28 segundos perdidos.

Alex Geniez gañou a etapa do Ezaro-Foto-Dario Gomez Asi deixou o Formigon do Ézaro aos ciclistas-Foto-Dario Gomez O gañador da etapa do Ézaro, Alex Geniez, recibindo o trofeo da man de José Manuel Pequeño, con Gonzalez Formoso e Carlos Oliete Ruben Fernandez novo maillot Rojo de la Vuelta 2016-Foto-Dario Gomez Azafatas de La Vuelta en El Ezaro-Foto-Dario Gomez  

Resumen da etapa

Onboard camera / Cámara a bordo - Étape 3 - La... por la_vuelta
Resumen - Etapa 3 (Marín / Dumbría... por la_vuelta

Impacto social e económico

Espectaculares as imaxes da zona na Vuelta

As autoridades destacaron o “importante impacto social e económico” que a ronda española ten nas diferentes comarcas polas que discorre, xa que se trata dun evento seguido por televisión en 190 países e que ten un importante retorno económico para os municipios polos que pasa. Se ben os equipos non pernoctaron na zona (a seguinte etapa sae de Betanzos e os equipos aloxáronse esta noite nas proximidades da Coruña) a promoción da zona si que supón un gran impacto no sector turístico, como comprobou o Concello de Dumbría valorando nun 155% o aumento do turismo no Ézaro dende a chegada do pelotón en 2012.

O presidente provincial afirmou que a Deputación aposta pola Vuelta como “un gran escaparate para mostrar ao mundo os múltiples atractivos da provincia da Coruña, tanto do interior como da costa, e para dar a coñecer o enorme potencial produtos dos nosos produtos gastronómicos máis alá das nosas fronteiras”, sinalou lembrando a campaña “A Coruña por sabor”, que tamén estivo en Dumbría, onde se puideron degustar, entre outros, as conservas 1884 de Camariñas, ou as carnes e embutidos dumbrieses de Raposo.

Espectaculares imágenes que nos deja @lavuelta #CostadaMorte pic.twitter.com/U8jkY0rw7P

— Costa da Morte (@Costa_da_Morte) 22 agosto 2016

 

Novas relacionadas

• O Mirador do Ézaro, protagonista provincial La Vuelta máis épica e estética.
• Xaneiro 2016: O Ézaro xa espera o pelotón de La Vuelta.
• Setembro 2015: La Vuelta volverá rematar no Alto do Ézaro en 2016.
• Pequeño: “Se por min fose, a Volta Ciclista a España 2016 saía e chegaba ó Ézaro. Hai un bo entendemento co director do evento”.
• Gran Fondo Ézaro 2015: Da man ata o Mirador do Ézaro.
• A verdadeira costa da morte é a subida ao Alto do Ézaro.

Máis novas

• O Turismo do Ézaro crece nun 155% no último ano.
• “O Mirador do Ézaro convírtese nun porto mítico en Galicia referencia da peregrinaxe do ciclismo”.
• Alfredo Relaño: “Non coñecía este emprazamento privilexiado ata que o ciclismo o ensinou ao mundo”.
• Desafío 2014: A épica marcou un Desafío do Atlántico pasado por auga.
• Vuelta 2013: Volta a España con Final na Fin do Mundo.
• Desafío 2013: O tempo non foi Desafío abondo para o pelotón.
• Vuelta 2012: A Costa da Morte vibrou coa Vuelta.

Fonte

• Redacción de QPC (info@quepasanacosta.com).