A Asemblea local do BNG de Carnota vai inaugurar este sábado 22 ás 18:30 da tarde as súas novas instalacións, sitas no nº 8 das Breas (a carón da ferretería e en fronte do estanco), en pleno centro de Carnota. Trátase do primeiro local do "frentismo" carnotán na súa historia. Pretenden dende o BNG "mellorar o funcionamento e coordinación do BNG", e convertir o local nun "punto de encontro de toda a poboación". Ademais afirman que o centro estará a disposición do puxante tecido asociativo do concello. Así, dende a Asemblea local convidan a toda a veciñanza a coñecer e usar o novo local desde este sábado a partir das 18:30, cando ofrecerán uns petiscos.

Novas relacionadas

• O BNG de Carnota clarexa a críticas de Tomás Freire e loita contra a Lei de Augas polas parroquias.
• Un flashmob polo Parque Natural Monte Pindo.
• O BNG comarcal inaugurou o seu novo Local en Corcubión.
• O BNG presentou o seu Estatuto de Nación en Corcubión.

Fonte

• Nota de prensa da Asemblea Local do BNG de Carnota.