Volveu o caso do saneamento do Pindo ao Parlamento. Desta volta, despois da evasión de responsabilidades da Xunta a unha pregunta do PSdG, foi o portavoz parlamentario de infraestruturas do BNG, Luís Bará, o que reclamou na Cámara que a Xunta entregue de inmediato ao concello de Carnota as obras da rede de saneamento do lugar do Pindo, feitas as reparacións oportunas no caso de que os anos de retraso provocaran desperfectos e infiltracións de augas mariñas na infraestrutura.

Bará fixo referencia ao longo retraso acumulado nas obras de saneamento na localidade do Pindo, o que deriva nun problema de saúde pública, ambiental e mesmo de imaxe nun municipio turístico. Desde 2005 en que se redactou o proxecto para mellorar a rede de saneamento, as obras foron un suma e segue de obstáculos e problemas, mesmo coa creba da empresa contratada. O proxecto de saneamento do Ézaro e do Pindo está licitado por Augas de Galiza desde 2008.

A día de hoxe e, seis meses despois da última data prevista para a finalización das obras, estas seguen sen terse entregado ao Concello, para que desde a corporación municipal que preside o rexedor Ramón Noceda “se poda comezar a enganchar os domicilios particulares e os puntos de vertido problemáticos”, tendo en conta as graves afectacións mesmo a lugares referencias do municipio como a Praia de San Pedro.

O caso de Lariño

Ao mesmo tempo, o deputado nacionalista tamén demandou que se axilice o proxecto para a dotación da rede de saneamento no lugar de Lariño.

Novas relacionadas

• 24-04-18: A Xunta elude responsabilidades no eterno retraso do colector de saneamento de Carnota.
• Abril 18: O BNG tamén leva ao Parlamento o retraso do saneamento no Pindo.
• 05-14-18: Os vertidos enrarecen o clima social do Pindo.
• 24-03-18: O PSdG achegouse ao Pindo para comprobar os problemas do saneamento.
• Marzo 18: A Xunta segue retrasando, mes a mes, a entrega da obra de saneamento do Pindo.
• Decembro 17: O Pindo sae á rúa esixindo unha solución ao saneamento.
• Novembro 19: O Pindo segue pendente do saneamento e da reconstrución dun mallado paseo marítimo.
• Outubro 17: Unha analítica demostra a necesidade de solucionar o saneamento do Pindo.
• Setembro 17: Co cú ao aire fronte a falta de saneamento no Pindo.
• Setembro 17: O Pindo mobilízase contra os cheiros.

Outras novas

• “As toallitas que se tiran polo váter é un dos grandes problemas das depuradoras”.
• Os actores involucrados debatiron sobre o saneamento e contaminación orgánica do mar ante unha gran expectación.

Fonte

• Redacción de QPC ([email protected]).