Fantásticas estas incursións voluntarias no corazón do Monte Pindo co fouciño en man. A Asociación Monte Pindo Parque Natural vén de realizar unha xornada de limpeza do roteiro da Pedra Cabalgada, un dos máis fermosos e máis sinxelos do olimpo celta, que necesita do voluntariado para manterse accesible (unha das cousas que solventaría a calificación desexada pola entidade).

Un grupo dunha ducia de persoas rubiron ata este enorme outeiro de granito rosa que quedou dalgún xeito substentada sobre o precipicio co único apoio duns centímetros de rocha con forma de pirámide truncada. Segundo os especialistas da entidade cren que o máis probable é que a pedra estivese en tempos asentada sobre unha capa de terra, que ao ir desaparecendo deixou a pedra nesa posición tan inverosímil, na que parece que vai caer enriba das casas do Pindo.

A visita serviu para disfrutar ademais de varias especies amenazadas, como unha xilbardeira (arbusto semellante ao acibro) ou unha parella de salamántigas galegas (Chioglossa lusitanica).

Protestan polas motos

Dende a entidade tamén queren chamar "denunciar ublicamente as continuadas incursións de vehículos a motor polo Monte Pindo. Trátase principalmente de motos off-road que ascenden polo lugar do Fieiro desbastando as pedras que se atopan ao seu paso e que están a desfacer completamente os camiños que tanto nos esforzamos por recuperar e manter limpos".

Artigos relacionados

• As Aberturas de Manuel Vilar: Memorias e paisaxes: A Farola do Pindo.
• Recunchos da Costa: Pedra Cabalgada.
• As bondades da fala: Pepe do Fieiro: “Dicían os nosos vellos…”.
• Da Raínha Lupa á Cova da Xoana, pasando por Duio, con Pepe do Fieiro.
• Unha bisbarra con Encantos.
• A historia dos fuxidos no As de Sel.

Novas relacionadas

• Unha camiñada polo Monte Pindo a ritmo de versos.
• Recuperando a antoloxía poética do Monte Pindo co crowdfunding.
• Poemas para o Monte Pindo.
• A Asociación Monte Pindo Parque Natural extende redes a toda Galicia.
• A recuperación do Camiño das Peixeiras descobre outro Outeiro das Cacholas.
• Máis de 200 persoas coñeceron mellor os sendeiros do Monte Pindo.
• Monte Pindo: con vida dende a época romana.
• Un gran castelo chamado Monte Pindo.

Fonte

• Redacción de QPC (info@quepasanacosta.gal).
• Asociación Monte Pindo Parque Natural.