Aspadex ante a visita da deputada Anxela Franco Acompabada polo concelleiro do BNG e Cee, Serxio Domínguez, a deputada nacionalista Ánxela Franco quixo coñecer de primeira man a familia Aspadex. O pasado venres visitaron as instalacións de Vilar de Toba para coñecer de primeira man as actividades e poder atender así a ás demandas deste centro que traballa para a mellora da calidade de vida das persoas con discapacidade intelectual da comarca, e que conta con usuarios de Fisterra, Corcubión, Cee, Carnota, Mazaricos, Muxía, Dumbría, Vimianzo, Camariñas, Zas e Muros. Un centro que conta apoio da Deputación da Coruña a través de varias liñas de axudas, de aí que a visita tamén fose para comprobar a mellora nos accesos ás instalacións que se desenvolveu o pasado ano cunha axuda da Deputación da Coruña de 26.000 euros a través da liña de subvencións a entidades de servizos sociais. A deputada Ánxela Franco e o concelleiro Serxio Domínguez destacaron o “importantísimo traballo que desenvolve a entidade que ten unhas 65 persoas no centro ocupacional e atende a outras 80 no programa de respiro familiar” sinalaron. Quixeron destacar o traballo de ASPADEX á hora de facilitar a inclusión social e promover unhas relacións interpersoais satisfactorias ademais de dar os apoios necesarios para a autodeterminación, promovendo a defensa dos dereitos das persoas condiscapacidade intelectual”.

Nova Furgoneta

ASPADEX tamén vai recibir da Deputación da Coruña nos vindeiros meses unha furgoneta de transporte adaptado financiada na súa totalidade pola Deputación despois de concorrer a unha nova liña de subvencións que se puxo en andamento en 2016.

Novas relacionadas

https://quepasanacosta.gal/un-unico-paraugas-para-apem-e-aspadex-polos-dereitos-das-persoas-con-discapacidade/ https://quepasanacosta.gal/aspadex-estrea-furgoneta-gracias-ao-apoio-da-obra-social-la-caixa/ https://quepasanacosta.gal/o-mantemento-dos-xardins-de-muxia-por-aspadex-un-gran-exemplo-da-inclusion-laboral/