O pasado sábado 14 de outubro tivo lugar no restaurante A Lagoa de Vimianzo a celebración da IIIs Cea Solidaria APEM, baixo o lema “Traballar sen máscaras, empregar sen barreiras”. Nela participaron 292 persoas, entre elas personalidades políticas da bisbarra, do mundo sanitario e do social, empresarios, e moitas persoas que quixeron acompañarn nesa noite especial para a familia Apem, na que unha vez máis, intentan mostrar á sociedade a labor que realizan e dar visibilidade á situación das persoas con problemas de saúde mental.

A velada estivo amenizada por Fran Hermida, gran profesional da comunicación na Cadena Ser, que foi dando paso a Antonia Pérez Amieiro, presidenta de Apem, Manuel Antelo, alcalde de Vimianzo, e ós usuarios que leron o manifesto do Día Mundial da Saúde Mental deste ano, e proxectaron un emotivo vídeo realizado por eles, que arrancou máis dunha lágrima entre os asistentes.

Houbo o sorteo de varias figuras de cerámica deseñada por KerámiKos, e finalizou a cea co concerto de Pintura Plástica que fixo bailar ós asistentes ata altas horas da madrugada.

Novas relacionadas

• A experiencia de A PEM na Radio Nordés recibe un premio de integración e normalización.
• APEM organiza a súa III Cea Solidaria polo Día da Saúde Mental.
• Os Tesouros de Papel de Fran Martín, de APEM.
• Marzo 17: APEM trasladouse ao Lonxano Oeste e o Centro Social foi de foliada polo Entroido.
• Decembro 16: APEM viviu o seu festivo Nadal.
• Cea Solidaria 2016: A Costa da Morte comprométese con APEM.

Fonte

• Redacción de QPC ([email protected]).