Despois apetura escolar do Entroido ceense, e aínda co gran sábado de Entroido por diante, a familia da Asociación pro enfermos mentales (APEM) de Cee e Vimianzo celebrou o pasado luns a súa festa trouleira na unidade residencial que a entidade ten na localidade de Cee.

Este ano a temática elixida foi a do Lonxano Oeste, e o centro viuse transformado nun lugar onde indios e vaqueiros asinaron un tratado de paz que dou o pistoletazo de saída a unha tarde chea de sorpresas, entre elas, bailes e unha charanga creada polos usuarios dos centros de Cee e Vimianzo.

Nesta ocasión contaron coa colaboración do grupo de APEM Carballo que deleitaron cunha representación teatral “Unha de vaqueiros. Non a mina” que levou a bisbarra aínda máis si cabe ó Far West.

Ademais, o entroido é un día de portas abertas, polo que famliares e amigos tamén disfrutaron da festa desta entrañable familia. A festa rematou cunha merenda e chocolatada como é a tradición.

Os carballeses representaron unha obra de teatro Equipo de profesionais de APEM de entroido

Foliada no Centro Social

Menuda foliada que se celebrou onte no Centro Social de Cee, na que participaron entre outros o grupo de pandereteiras do Centro Social. Houbo degustación de filloas e orellas e sorteouse unha cesta de entroido á gañadora, Isabel Rodriguez.

Máis entroido

Ollo que aínda queda moito entroido. O sábado será o gran concurso de comparsas, este ano, de novo, no pavillón.  

Novas relacionadas

• Programa do Entroido de Cee 2017.
• Entroido 2017: Os escolares abriron o Entroido ceense.
• Entroido 2016: O Entroido de Cee bailou a ritmo da Rueirada.
• Entroido 2016: Os centros de ensino queceron o entroido de Cee.

Fonte

• Redacción de QPC ([email protected]).