Fermosa a fin de semana das Letras en Cee. Foron protagonistas os tan importantes Certames de achegamento á cultura que propón a Biblioteca Pública Municipal “Francisco Mayán”, nos que xa teñen participado case 6.000 cativos nos seus 22 anos de vida. Este ano, nada menos que 421 traballos presentados entre o certame de Achegamento ao Libro, o de Teatro e o de Marca-páxinas. Traballos presentados por alumnos dos centros de ensino de Cee, Carnota, O Pindo, Muxía, Fisterra, Corcubión…

Ademais, o programa incluía un concerto da Banda de Música Municipal de Cee, dirixida por Fernando Fraga, con motivo do día das letras Galegas. O Concerto realizouse na praza da Alameda de Cee o mesmo día 17, e entre o repertorio interpretado puideron escoitarse obras Galegas, como "Airiños, Aires" de Gustavo Freire ou "Anaquiños" de Prudencio Romo. Para rematar o concerto, o coro formado por alumnos da escola de música de Cee, interpretou xunto coa banda de música o Himno Galego.

Certames Literarios

Fantástica coma sempre a proposta da Biblioteca Pública Municipal “Francisco Mayán” do Concello de Cee. Uns concursos que teñen como obxectivos fundamentais, fomentar a creación literaria, promocionar a lectura e facilitarlle aos nenos da nosa Comarca canles de expresión creativa na nosa lingua, para desta maneira contribuír a crear unha sociedade onde o libro e a lectura en lingua galega teñan un papel destacado entre a nosa xuventude.

O número de obras presentadas aos diferentes concursos deste ano 2014 foron un total de 421 traballos, sendo 188 presentados para o marca-páxinas, 12 propostas teatrais e 221 contos.

A entrega de premios tivo lugar o venres 16 de maio ás 18.00 horas no Salón de actos do Concello. Unha entrega moi emotiva, cunha presencia masiva de público e protagonsitas, para recibir os numerosos premios que outorgou o xurado, composto por José Ramón Rey Senra, Técnico da Biblioteca “Francisco Mayán” do Concello de Cee; Teodomiro Lamela Rodeiro, Responsable das Axencias de Lectura de Ameixenda e Brens; Rosario Paz Rey, Orientadora Laboral do Concello de Cee; Patricia Mouzo Quintáns, Educadora Familiar do Concello de Cee; e Víctor Manuel Castiñeira Castro, Técnico de Xestión na Concellería de Cultura do Concello de Cee.

Premios do XXIII Concurso Literario do Achegamento ao Libro

A obra gañadora do 1º Ciclo de Primaria foi: “O pobo dos libros máxicos” de Daniel Noya Busto, do C.E.I.P. A Igrexa-Brens.

Recibindo accésits as obras:- “A viaxe de Andrea” de Andrea López Lago, do C.E.I.P. A Igrexa-Brens.
- “A importancia de ler” de Jorge Ramos Alborés, do Colexio “Manuela Rial Mouzo” de Cee.
- “O pesadelo de Xulia” de Laura Cambeiro Martínez, do Colexio “Manuela Rial Mouzo” de Cee.
- “O tesouro de ler” de Diego Soto Riera, do Colexio “Manuela Rial Mouzo” de Cee.
- “O libro vivo” de Yanira Trillo Búa, do C.E.I.P. “Santa Eulalia” de Dumbría.
- “A comida de clavo” de Daniela Castiñeira Senra, do C.E.I.P. “Santa Eulalia” de Dumbría.
- “O conto do cabalo de ouro” de Mauro Martínez Álvarez, do C.E.I.P. do Pindo-Carnota.
- “O conto máxico” de Nerea Cives Piñeiro, do C.E.I.P. do Pindo-Carnota.

A obra gañadora do 2º Ciclo de Primaria foi: “Un día libroso” de Carlota Atán Ares, do Colexio “Manuela Rial Mouzo” de Cee.

Recibindo accésits as obras:
- “Sabedoriño” de Yadira Morán Caamaño, do C.E.I.P. do Pindo-Carnota.
- “O libro máxico” de Laura Sofía Rivas Muñoz, do Colexio “Eugenio López” de Cee.
- “O raposo, lector de libros” de Ana Fernández de Larrinoa Quintela, do Colexio “Eugenio López” de Cee.
- “A maqueta do teatro” de Ainhoa Trillo Atán, do Colexio “Manuela Rial Mouzo” de Cee.
- “Estar como nun lugar” de Carlos Costa Carabel, do C.E.I.P. “Santa Eulalia” de Dumbría.

A obra gañadora do 3º Ciclo de Primaria foi: “Bieito o contacontos” de Clara de Ramón Ayala, do Colexio “Manuela Rial Mouzo” de Cee.

Recibindo accésits as obras:
- “A historia de Lucas” de Paula Lado Romero, do C.E.I.P. do Pindo-Carnota.
- “O país da felicidade” de Ainhoa Cives Piñeiro, do C.E.I.P. do Pindo-Carnota.
- “As 7 chaves”, de Alejandro Leis Trillo, do C.E.I.P. de Vilarmide-Muxía.
- “Viaxeiros do espazo” de Adrián Priegue Rodríguez, do Colexio “Manuela Rial Mouzo” de Cee.
- “O conto sen fin” de Andrea Rodríguez Mouzo, do Colexio “Eugenio López” de Cee.

A obra gañadora do 1º Ciclo da E.S.O. foi: “O misterio da aldea” de Carmen Ramón Fernández, do Colexio “Manuela Rial Mouzo” de Cee.

Recibindo accésits as obras:
- “A pechadura”, de Dania Rama Noceda, do Colexio “Manuela Rial Mouzo” de Cee.
- “Caterva de bobos” de David Outes Díaz, do Colexio “Manuela Rial Mouzo” de Cee.

A obra gañadora do 2º Ciclo da E.S.O. foi: “A xove eterna nun mundo descoñecido” de María Isabel Rodríguez Domínguez, do I.E.S “Fin do Camiño” de Fisterra.

Recibindo accésits as obras:
- “O título pono tí” de Ismael Márquez Pose, do Colexio “Manuela Rial Mouzo” de Cee.
- “A mellor compañía” de Fátima Mejuto de las Heras, do Colexio “Manuela Rial Mouzo” de Cee.

XV Concurso Literario de Achegamento ó Teatro

A obra gañadora foi: “Vellos son os trapos” de María Lijó Pequeño do Colexio “Manuela Rial Mouzo” de Cee.

Recibindo accésits as obras:
- “Cousas de milagres” de Vanessa Costa Pequeño, do Colexio “Manuela Rial Mouzo” de Cee.
- “O neno que odiaba a biblioteca” de Iria Castiñeira Insua, do Colexio “Eugenio López” de Cee.
- “A biblioteca máxica” de Noa Lago González, do Colexio “Eugenio López” de Cee.

X Concurso “En Busca do noso Marca-Páxinas

A obra gañadora foi: “Cos libros crecerás e á túa meta chegarás” de Paula Trinidad Leo, do Colexio “Manuela Rial Mouzo” de Cee.

Recibindo accésits as obras:
- “Ler abre moitas portas” de Diana Gómez Fernández, do Colexio “Manuela Rial Mouzo” de Cee.
- “A lectura, o alimento do intelecto”, de María González Figueroa, do Colexio “Manuela Rial Mouzo” de Cee.
- “Ler, a mellor semente” de Irene Ramón Fernández, do Colexio “Manuela Rial Mouzo” de Cee.
- “Ler e imaxinar...todo é comenzar” de Laura Blanco García, do Colexio “Eugenio López” de Cee.
- “Explosión de imaxinación”, de Marta Souto Vizoso, do Colexio “Eugenio López” de Cee.

Novas relacionadas

• Os certames de achegamento cultural da Biblioteca de Cee chegaron aos 5.000 traballos.
• 2013: 436 obras marcan un fito no Concurso de Achegamento ao Libro do Concello de Cee.
• 2011: Cee entregou os seus premios culturais aos escolares.

Fonte

• Redacción de QPC (info@quepasanacosta.gal).