Importante reunión a mantida na tarde de onte, luns 23 de outubro, entre o Comité de Empresa de XEAL (ou da empresa resultante da venda) e os alcaldes de Dumbría, Mazaricos e a alcaldesa de Cee. Unha reunión para unir posturas despois da venda das fábricas e das centrais hidroeléctricas co grupo Energo-Pro. Os rexedores, cansos de ter que negociar con direccións distintas cada pouco, amosaron o seu apoio ante a petición de instar a Xunta a unha rápida actuación para garantir o cumprimento das cláusulas concesionais.

Os representantes do Comité debullaron as alegacións que presentaron ante Augas de Galicia ante a intención de construír unha estación reversible de bombeo an Ruña (en Mazaricos), deixando claro que a Xunta non debe aprobar esa concesión se non é para a mesma empresa, de xeito que a produción hidroeléctrica siga ligada ao mantemento, e neste caso aumento, de postos de traballo tanto nas estacións como nas fábricas.

A parte sindical e os rexedores quedaron en presentar un escrito conxunto á Augas e pedir igualmente unha reunión en conxunto, "agardando así non volver quedar nunha situación de desamparo como a que vivimos no ano 2019, cando se producíu a venda de Ferroglobe a Ithaka, e non tivemos ningún apoio”.

MÁIS NOVAS SOBRE XEAL

• Os traballadores de XEAL pregúntalle a Rueda se xa dá por perdidas as fábricas de ferroaliaxes.

• Energo-pro, un grupo especializado en enerxía hidroeléctrica, compra XEAL.
• O alcalde de Dumbría pregúntalle á Xunta se estaba informada da operación de venda de Xeal.
• Novembro 22: Fins Eirexas sobre a estación de bombeo da Ruña: “Hai moitas posibilidades de que este proxecto naza xa morto”.
• 12-09-22: Mazaricos infórmase sobre o impacto da estación de bombeo na Ruña.
• 04-09-22: A veciñanza mazaricá berra baixo a tormenta “A Ruña é nosa”.