Arrancou de xeito espectacular a VII Semana do Teatro e as Artes Escénicas do Concello de Cee: A EsCEEna!. O aforo limitado motivado pola pandemia fixo que quedara público sen poder acceder ós dous primeiros espectáculos: Don Gaiferos de Monicreques de Kukas e Complexo de Edipo de Quico Cadaval.

Quico Cadaval en Cee-Foto: Rafa Quintáns

Dende o departamento de Cultura congratúlanse da gran resposta dos amantes do teatro que reservaron maioritariamente os seus bonos para garantirse unha butaca nos vindeiros días.

O programa continuaba onte xoves con Habeas Corpus de Malasombra na Praza da Constitución.

Malasombra na praza da Constitución. Fotos: Rafa Quintáns

Pero A EsCEEna! voltará ó Auditorio Baldomero Cores o venres 20 con “Cándido Pazó conta… Mocos”, de Contraproducións ás 21.30 horas (quedan algunhas entradas que se poden reservar na Casa de Cultura, 2º andar).

Xa o sábado 21 toca sesión cabaré co ceense Iván Villar e Nelson Quinteior, e o seu “Fala-me. Trad-cabaré lingüísitico. Bótame a língua a pacer!!!!”.

E pechará a mostra o Domingo 22, nada menos que “Mofa & Befa” con Dúas Pedras no Camiño. Os míticos Victor Mosqueira, Evaristo Calvo farán as delicias da veciñanza.

Unha fin de semana ceense que se completará cun fantástico programa tamén no Festilires.

Novas relacionadas

• Mar e música no comezo das Festas da Xunqueira.