Este pasado venres tivo lugar a clausura do 2º Campus de Atletismo Cee Verán 2025 organizado polo club Asociación Deportiva Olimpia.

Un total de 21 participantes procedentes de Cee, Corcubión, Fisterra, Muxía, Carnota, Mazaricos e Alcobendas (Madrid) desfrutaron desta actividade impartida nas pista de atletismo do Estadio M. Fútbol San Paio de Refoxos de Cee.

Esta edición contou con tres técnicos de luxo, tres dos mellores atletas locais das últimas décadas: Elian Numa Lopéz e Xiana Lago (ambos atletas en activo de ámbito nacional) e Jorge Rodríguez Lariño (director técnico do club).

No acto fixeron entrega duns diplomas a cada un dos participantes.