Sábado. 21.09.2019
El tiempo

Os alumnos do Manuela Rial vén os valores do Cooperativismo nun certame da Xunta

Os alumnos do Manuela Rial vén os valores do Cooperativismo nun certame da Xunta

Non para o centro educativo Manuela Rial Mouzo SLU Concertada. Xa o temos visto como potencia en materia deportiva, e as últimas novas nolas envía a propia Xunta, para contarnos que o centro ceense resultou gañador dun accésit na modalidade de debuxo, pintura, fotografía e vídeo do Certame Cooperativismo no Ensino, promovido pola Consellería de Traballo e Benestar e polo Consello Galego de Cooperativas.
O traballo merecedor deste recoñecemento é “Nós vemos valores, e ti?”, na categoría de 2º ciclo de Educación Infantil. O galardón entregarase nun acto multitudinario o sábado 7 de xullo en Santiago de Compostela.

Ano Internacional das Cooperativas

O evento forma parte dun amplo programa conmemorativo do Ano Internacional das Cooperativas, que se completa coa celebración dun encontro internacional e dunha mostra cooperativa de produtos e servizos entre os días 5 e 7 de xullo. Baixo o lema “As empresas cooperativas axudan a construír un mundo mellor” porase en valor esta fórmula empresarial como xeradora de emprego, riqueza e xustiza social en tempos de crise. Cooperativistas chegados de diferentes lugares de Galicia, España, Europa e Iberoamérica compartirán experiencias nestas xornadas técnicas e de formación.

O obxectivo do Certame é fomentar valores e actitudes cooperativas no seo do alumnado, promovendo a realización de actividades relacionadas co cooperativismo e impulsando esta fórmula de traballo como saída laboral nos centros de F.P. Ao Certame concorren centros escolares e de ensino profesional de toda a Comunidade Autónoma. O Consello Galego de Cooperativas outorga un total de 13 premios, distribuídos en sete categorías.

Novas relacionadas

Fonte

  • Xunta de Galicia.

Comentarios