Dende o mes de decembro levan en folga os bombeiros da zona. E as negociacións da negociación do convenio colectivo entre traballadores e a empresa Nanutecnia cada día están máis separadas. É o que acontece cando privatizas un servizo tan público como o de Bombeiros, pois agora é a empresa privada, concesionaria dun servizo público coma este, a que ten que xestionar directamente a relación laboral cos traballadores. Porque das administracións públicas, os bombeiros da zona, non escoitaron palabra.

No día de onte aparecían numerosas pintadas de desacordo nos Parques de Santa Comba e Cee, e tamén nos de As Pontes e Lugo, nos que xestiona a empresa Nanutecnia, dada a pouca disposición a negociar. Se ben dende o colectivo de bombeiros non están a favor destas prácticas, a mensaxe parece evidente.

”A empresa quixo meternos de mentireiros e desprestixiar o noso traballo”, lamentan os traballadores, que consideran que a falta de intención negociadora roza a “opresión”. Ademais, critican que empresa nin administracións fagan movementos para achegar posturas e poder chegar a un acordo.

Novas relacionadas

• 11-03-14: Os bombeiros encérranse no Parque de Bombeiros de Santa Comba.
• 19-02-14: Os bombeiros da Costa rompen negociacións ca súa empresa tras 2 meses de folga.
• 05-02-14: A situación laboral dos Bombeiros da Costa da Morte, aínda en folga, chega ao Parlamento.
• 30-12-13: Os bombeiros critican a falta de recursos pero louban a labor de Protección Civil no incendio da Barca.
• 12-12-13: Os parques de Bombeiros de Cee e Santa Comba amencen con pintadas de protesta.
• 11-12-13: Os bombeiros da Costa da Morte tamén saen á rúa en folga.

Fonte

• Redacción de QPC (info@quepasanacosta.gal).