Esta pasada semana a Xunta decidía o traslado do guindastre ao porto de Langosteira pola falta de actividade. Unha decisión que provoca deixar sen actividade a unha empresa como XEAL. De aí que o comité de XEAL denuncie a retirada desta ferramenta, sinalando que é unha nova mostra do plan de desmantelamento industrial que XEAL, iniciado polo fondo TPG-Ithaka.

"É paradóxico que despois do restablecemneto do servizo do práctico, nas condicións que se pedían e como tiña denunciado públicamente o comité, que a primeira manobra deste sexa para seguir avanzando en desmantelar o porto coa retirada do grindastre", sinalan.

"Sen o guindastre, o porto de Brens (malia ser unha infraestrutura tan longamente demandada pola comarca e que debería servir de impulsor da actividade económica local) queda infrautilizado para poder descargar a materia prima que necesitan as fábricas e cargar o produto elaborado para a súa venta".

"Diante deste escenario gravísimo, o comité apela novamente á Xunta de Galiza para que deixe a un lado as proclamas electoralistas e asuma as responsabilidades sobre as que ten competencias directas, como son a industria e as concesións hidroeléctricas. E neste senso, o comité volve reclamar o cumprimento escrupuloso das cláusulas concesionais e que a empresa presente xa un plan industrial e de viabilidade que permita recuperar todas as capacidades produtivas e os empregos destruídos nos dous últimos anos".
 

Novas relacionadas

• A Xunta recúa e recupera o servizo de practicaxe nos portos de Cee, Corcubión e Laxe