Venres. 29.03.2024
El tiempo

Primeiras críticas do BNG de Cee ao novo goberno polos recortes

Primeiras críticas do BNG de Cee ao novo goberno polos recortes

Chegan as primeiras críticas do BNG ceense contra o novo goberno formado por 3 ex compañeiros de partido e o PP trala moción de censura circense. E chega da man do voceiro local Serxio Domínguez, quen se manifesta "en total desacordo e moi decepcionados coa política de recortes do goberno local”. I é que para o grupo "existen moitas maneiras de aforrar custes, que nen siquera, foron estudados”.

Critica o BNG a proposta de despedimento de 12 traballadores do Concello, e apunta que "deberían ser recolocados en postos produtivos". No caso concreto dos membros do Grumir, "as indemnizacións por despido as que o concello debe facer fronte, farían posible seguir contando cos traballadores ate que o servizo volva a ter subvención, que según a alcaldesa pode ser a finais de ano”, declara Domínguez.

Critica tamén a política de salarios do novo grupo de goberno. "Resulta moi poco ético que se fale de recortes e aforro, se despidan operarios, e o mesmo tempo os gobernantes non axusten os seus gastos, dietas e salarios, para asi predicar co exemplo”, critica Domínguez sen miramentos, a pesar da baixada de máis de 50.000 a 36.000€ de gasto en soldos políticos.

Ao respeito da externalización de servizos ou da privatización dos mesmos, o portavoz do BNG declara que “existen fórmulas para seguir mantendo os mesmos baixo a titularidade pública. Por exemplo, as garderías poden ser cedidas a rede “Galiña Azul” da Xunta da Galiza, e a Escola de música, pódese mancomunar ou do mesmo xeito incluila na rede de conservatorios".

Novas relacionadas

Fonte

Comentarios