Xoves. 28.03.2024
El tiempo

Rafa Vilar gaña o XVI Premio "Pura e Dora Vázquez" de Narración

Rafa Vilar escritor de Cee
Rafa Vilar gaña o XVI Premio "Pura e Dora Vázquez" de Narración

Boas novas para a literatura costeira. O ceense Rafa Vilar (1968) vén de gañar, coa obra “Os outros oficios”, o o XVI premio de literatura infantil e xuvenil "Pura e Dora Vázquez" na modalidade de narración, que outorga a Deputación de Ourense.

O escritor costeiro leva de premio 1.500€, despois de que o xurado valorase o texto de xeito "excepcional desde o punto de vista literario, con moito coidado da prosa e con relatos que amosan un gran coñecemento da lingua".
Así mesmo, o xurado destaca que a obra é “de fácil e agradable lectura” e que autor fai "unha galería de retratos que mesturan ben o xogo imaxinativo e adáptase para ser ilustrada".

O escritor ceense, forxado nas bases do asociacionismo e do socialismo galego, foi membro do Batallón Literario. Forma parte da Asociación de Escritores en Lingua Galega (AELG). e xa ten publicadas unha ducia de libros como poeta, dende “A sotavento dunha singradura” (1995); ata “Animalario estrafalario” (2013).

NOVAS RELACIONADAS

FONTE

Comentarios