Venres. 29.03.2024
El tiempo

Solicitan desfibriladores para os pavillóns de Cee

Solicitan desfibriladores para os pavillóns de Cee
Bo ambiente no pavillon de Cee Imaxe do pavillón de Cee

Cada ano morren no estado español 25.000 persoas por morte súbita, case o 90% delas ocasionados por un trastorno eléctrico do corazón chamado “fibrilación ventricular”. Para este trastornos, o único tratamento efectivo é a chamada “desfibrilación precoz” que se trata cun desfibrilador semiautomático (DESA) un pequeno aparello que se conecta a vítima que na teoría acaba de sufrir unha parada cardíaca, por medio de electrodos adhesivos.

Unha porcentaxe alta dos accidentes cardiovasculares mencionados suceden en lugares adicados a eventos deportivos, ben sexa aos propios deportistas, ou mesmo a aficionados. É por iso que existen razóns de peso para que os principais recintos deportivos conten con ese servizo.

Por iso, o BNG de Cee vén de presentar unha moción para tratar no pleno para que se doten os principais recintos deportivos do concello, campo de fútbol Sampaio de Refoxos e polideportivos de Cee e Brens, de cadanseu desfibrilador axeitado, subvencionar os gastos que supoñan a realización dos cursos as necesarios e persoas precisas que poidan ter que usar ditos aparellos dos clubes deportivos e/ou protección civil e estudar a posibilidade de ampliar este servizo a outras instalacións dependentes do concello.

Lembran ademais que na actualidade existen no mercado desfibriladores moi alcanzables, económicamente falando, polo que a inversión para cubrir as primeiras necesidades do noso concello é ínfima comparado co posible salvamento de vidas humanas que pode acarear.

Novas relacionadas

Fonte

Comentarios