Os cursos de vela desenvolveranse entre o 3 de xullo e o 11 de agosto Os concellos de Ponteceso, Muros e Corcubión - xunto cos de Mañón, Bergondo e A Pobra do Caramiñal - acollerán este ano, entre o 3 de xullo e o 11 de agosto, os cursos da campaña de vela 2017 da Deputación da Coruña. Nos mesmos poderán participar rapaces e rapazas entre os 9 e os 18 anos pertencentes ao ámbito comarcal de cada un dos concellos que serán sede da actividade. Os interesados en participar nos cursos deben formalizar a inscrición no seu concello, entregando a ficha de inscrición xa se pode descargar da páxina web da Deputación da Coruna debidamente cumprimentada e asinada polos pais ou titores dos solicitantes. A cota de inscrición será de 25 euros e requerirase un mínimo de 15 nenos/as para a celebración de cada un dos seis cursos programados. Nos cursos, que terán unha duración dunha semana en quendas de mañá (de 10 a 14 horas) e de tarde (de 16 a 20 horas), realizarase unha iniciación aos principais conceptos teóricos e prácticos da navegación a vela, así como un curso básico da elaboración de nós mariños. A incorporación e regreso ás instalacións naúticas onde se desenvolverán os cursos correrá por conta dos participantes. As quendas dos cursos e os correspondentes prazos de inscrición son os seguintes:

QUENDAS	CONCELLOS	PRAZO DE INSCRICIÓN NO CONCELLO
1ª quenda: do 3 ao 7 de xullo	MAÑÓN	Antes do 16 de xuño
2ª quenda: Do 10 ao 14 de xullo	BERGONDO	Antes do 23 de xuño
3ª quenda: Do 17 ao 21 de xullo	PONTECESO	Antes do 7 de xullo
4ª quenda: Do 24 ao 28 de xullo	CORCUBIÓN	Antes do 14 de xullo
5ª quenda: Do 31 de xullo ao 4 de agosto	MUROS	Antes do 21 de xullo
6ª quenda: Do 7 ao 11 de agosto	A POBRA DO CARAMIÑAL	Antes do 30 de xullo

  Fonte

• Redacción QPC (info@quepasanacosta.com)
• Deputación da Coruña