Mércores. 22.09.2021
El tiempo

Alertan da posible perda do servizo do ISM de Corcubión

ISM Corcubion
Alertan da posible perda do servizo do ISM de Corcubión

Hai pouco os profesionais do mar denunciaban a falta de facultativos para realizar o recoñecemento médico no ISM de Corcubión. Estes días son dous grupos políticos os que elevan a alerta. O pasado venres o deputado do BNG Néstor Rego levaba ao Congreso dos Deputados estatal a posible perda do servizo que ofrece o Instituto Social da Mariña.<br/>Rego instou o Goberno a que "realice as xestións necesarias que faciliten, potencien e garantan a cobertura das prazas. O BNG critican a "centralización" na cidade da Coruña destes servizos, e advirte que o posible peche da oficina corcubionesa pode ser "un precedente para pechar tamén o de Muros".

Na mesma liña, o grupo Sempre Corcubión considera que ”esta prestación de recoñecemento médico previo o embarque, revisións de botiquíns, formación sanitaria os traballadores e traballadoras do mar, prestacións da Seguridade Social, xubilacións, incapacidade temporal, rexistro de documentos, etc. pode estar en serio perígo de desaparición en Corcubión, ca posible intención de traslado a outro lugar mais afastado da comarca”, denuncia o grupo.

Por iso piden que “o goberno do Concello de Corcubión que defenda este tema e se poña en contacto ca responsable da dirección provincial do ISM, Margarita Pėrez Sánchez, para clarificar esta duda”.

”Non podemos perder capacidade como centro administrativo”, explican os concelleiros Alfredo González García e David Silva Blanco. “A despoboación empeza por este tipo de cousas, obrigando paseniñamente a fuxida da nosa xente para outras zoas equipadas de servizos e infraestructuras.

Problema comarcal

Unha problemática que ademais atinxe aos profesionais de toda a bisbarra. Dende Malpica a Fisterra, pasando por Corme, Laxe, Camariñas, Camelle, Muxía e Corcubión, son máis de 1.000 os traballadores e traballadoras do mar afectados por este posible peche.

Novas relacionadas

comentarios