Aínda non comezara a temporada de lumes na Costa da Morte, e esperemos que aguante. Pero esta mañá, Corcubión sufría o primeiro intento. Acontecía nun prado entre Cabo C e Cabo da Nave, na zona de piñeiros do Prado do Monte. Afortunadamende a rápida intervención dos medios antiincendios (un helicóptero, dúas brigadas, dous agentes e un bull) Protección Civil, e Garda Civil, a unha zona de fácil acceso, permitiron controlar rapidamente o lume.

A alarma saltaba ás 11:00h e a apenas un par de horas despois xa quedou controlado. Os medios quedaron arrefriando a zona.

Todo apunta a que se trata dun incendio intencionado.

Curiosamente no lugar do incendio expertos en arqueoloxía sitúan unha posible estrutura de campamento viquingo, e tamén foi unha zona onde se formulou a construción dunha piscifactoría. 

Novas relacionadas

• Abril 19: “O lume non pode ser un negocio para ninguén”.
• 12-04-19: O Consorcio Provincial Contraincendios aproba a xestión directa dos parques de bombeiros comarcais.

Máis novas sobre incendios

• Maio 19: Segundo incendio en tres días en Fisterra.
• Marzo 19: Tres incendios en Baio, Fisterra Vimianzo fan saltar todas as alarmas tamén na Costa.
• Agosto 18: Fisterra, pasto dos incendiarios con 5 incendios en dúas semanas.