O Clube Marítimo Carrumeiro e a Escola de Vela Cataventos organizarán dende o venres 26 ata o domingo 28 de agosto, o Campionato Galego Clase 420, unha clase de carácter preolímpica con embarcacións de dous tripulantes. Participarán arredor de vinte embarcacións pertencentes a diferentes clubes do noso país. Por parte do Carrumeiro, competirán dúas embarcacións, unha feminina e outra masculina. Por parte feminina, participarán Alba Trillo e Maruxa Cernadas. No que se refire á participación masculina, estará abanderada por Alex Romanos e Francisco Canosa. Programa O Campionato comezará o venres 26 de agosto. Dende as 10:00h procederase á apertura da oficina, o rexistro de participantes e a entrega das normas a seguir. Ás 11:30h reuniranse os adestradores para, xa dende as 13:00h desenvolverse a primeira proba da xornada. O sábado 27 de agosto celebrarase a proba correspondente dende as 11:00h. E xa o domingo, e logo da proba das 11:00h, procederase á clausura e a entrega de premios. A organización conta co apoio do Concello de Cee e o Concello de Corcubión.

Novas relacionadas

• Fisterra acolleu a III Regata da Liga Costa da Morte.
• A Langosteira prepárase para a Iª Travesía Kitesurf Costa da Morte.
• Camariñas acolleu un curso de vela para Adibismur.
• A ría de Camariñas viviu a segunda regata da Liga Costa da Morte a vela.
• 200 nenos desfrutaron do mar a vela dende a Escola.
• O nordés dificultou a regata máis numerosa da ría de Corcubión.

Fonte

• Nota de prensa de Clube Marítimo Carrumeiro.