Acolle Corcubión este venres 13 unha obra moi especial. A Escola de Teatro Casa Hamlet estrea a súa obra “Neste feble tempo de frautistas”, dirixida por Santiago Fernández e na que participa xentes da vila de San Marcos como Elisa Lema, Fernando Castro ou Marina Gómez Pose.

Trátase dunha obra grupal baseada en textos de diferentes autores: Fernando de Rojas, Álvaro Cunqueiro, Ángel González, Manuel Lourenzo, Fernando Castro, W. Shakespeare, B. Brech. E será a posta en escea do traballo realizado polos alumnos ao longo do curso, coa dramaturxia e dirección de Santiago Fernández.

A cita será eenres 13 as 20h no Auditorio da Casa da Cultura Plácido Castro de Corcubión.

Máis cousas para o sábado

Ademais, o sábado 14 ás 12h: terá lugar a presentación mensual do libro Brincadeiras Poéticas. Un proxecto que vén da man da Fundación Plácido Castro editado por Jacobo Domínguez e Xulio Ríos. Un libro que reúne diversos poemas íntimos de Plácido Castro, quen sen querer recoñecerse como poeta sempre considerou a poesía a maior das artes. Para a edición, María do Cebreiro Rábade Villar contextualiza o significado da exploración poética do noso autor. Ademais cada poema esta ilustrado por un/unha artista gallega, tres delas da contorna de Costa da Morte.

Acompañarán a presentación a presidenta da Fundación e filla de Plácido, Susi Castro e o secretario Jacobo Domínguez

Igualmente, o sábado 14 xa ás 20h, nova cita co teatro co alumnado de infantil da Escola Municipal de Teatro acompañadas polo seu mestre Toño Casais, estrea da peza: “Delmira II e o Dragón Gutiérrez”.

Outras novas