A vaga de lumes deste pasado final de ano, deixou un pouso na sociedade sobre a necesidade de repensar o noso monte. Entidades de todo o país xuntan sinaturas para levar a chamada #ILPdoBosque ao Parlamento Galego, pedindo outra xestión do noso monte. E con ese mesmo obxectivo nacía en novembro a Asociación Boca de Sapo (Comunidade Eco-Social e Cultural), tendo claro que “outra xestión do monte é posible”. Precisamente nesa liña vai un dos seus primeiros actos públicos, enfocados na concienciación, como o demostrou a súa moción que permitiu que Corcubión se declarase como “Concello libre de eucaliptos”. Agora trae unha mesa redonda con especialistas no mundo agroforestal. A cita será este sábado día 10 de marzo ás 12:00h no Auditorio do Pilar e servirá para reflexionar sobre as alternativas á xestión forestal cuns ponentes de auténtico luxo, que exporán as súas teses dende diferentes perspectivas dende a súa experiencia para así dar unha visión diferente de como tratar, defender, conservar e revalorizar a nosa riqueza forestal. Os ponentes serán:

• Joam Evans: Antropólogo. Membro da Sociedade Coluna Sanfins ( Lousame).
• Jesús De La Fuente Villas: Enxeñeiro de Montes. Profesor de Formación Pofesional Forestal (Lourizán)
• Marcos Ferreira: Enxeñeiro de Montes. Experto en Xestion Forestal (Pobra do Brollón)

Novas relacionadas

• A #ILPdoBosque recibe o apoio aos alcaldes de Bergantiños.
• 60 organizacións de toda Galicia lanza unha ILP contra a invansión dos eucaliptos.
• Corcubión declárase como “Concello libre de eucaliptos”.
• Francisco Santiago López: “A inundación de eucaliptos en Galicia é un verdadeiro un desastre medioambiental”.
• Unha Boca de Sapo para que Corcubión se declare “Libre de Eucaliptos”.
• A futura carballeira de Laxe.
• “Se prantamos, ao planeta axudamos”.

Artigos sobre os incendios

• Onde está a orixe da vaga de incendios?.
• Onde está a orixe da vaga de incendios?.
• Desprofesionalizando o Servizo contra incendios dende o primeiro eslabón da extinción.
• A Deputación da Coruña implantará a Xestión Directa dos Parques de Bombeiros.
• Por que os lumes queiman agora máis hectáreas ca nos noventa?.

Fonte

• Redacción de QPC (info@quepasanacosta.com).