Varias actividades son xa unha realidade en Corcubión. A Asociación Nerio por unha banda con guitarra e baile, e o Concello cun Foro sobre a muller son protagonistas.

Guitarra e Baile coa Asociación Nerio

A Asociación Cultural e Deportiva Nerio amplía desde este mes de marzo a súa oferta de actividades, incorporando ás mesmas clases de guitarra. A actividade está orientada a maiores e nenos a partir dos 6 anos, e está impartida por Elías Outes, integrante do coñecido grupo "Hector Lera e dous calquera".

O horario é os venres, de 19:00h a 20:00h na Casa da Cultura de Corcubión. Os interesados en anotarse ou solicitar máis información poden facelo a través do teléfono 657 354 006.

Ademais a Asociación Nerio continúa ademáis coa matrícula aberta para as súas clases de baile galego, que suman xa máis de 50 bailaríns."

Foro sobre a Muller

Dando continuidade ás actividades de promoción da igualdade levadas a cabo dende o Concello de Corcubión, a Concellería de Muller e Igualdade, organiza para o vindeiro sábado 22, un Foro Aberto “Igualdade, realidade?". Dito foro terá lugar na Capela do Pilar, ás 19:00 horas. As e os poñentes que falarán no mesmo serán: Bárbara G. Vilariño, Eloy Cambeiro, Silvia Labraña e Alba Caamaño.

Fonte

• Redacción de QPC ([email protected]).