O pleno de Corcubión aprobaba, por unanimidade, este pasado venres, a proposta do grupo socialista, unha modificación de crédito de 230.000€ do remanente positivo acumulado dos últimos cursos. Unha partida que servirá para facer varios investimentos:

• 20.000€: para saneamento no Camiño do Carro-Subida ao Vilar.
• 35.000€ para complementar o investimento xa aprobado na reforma integral da Praza da Ribeira, creando un investimento total de 150.000€.
• 30.000€ para a reparación do asfalto da urbanización de Quenxe e a baixada ás Hortensias.
• 50.000€ para a rehabilitación do campo de fútbol e pavillón.
• 16-000€ para rehabilitar elementos de protección en diversas zonas do concello, especialmente en Oliveira.
• 15.000€ para adquitir terreos co obxecto de crear novos aparcamentos públicos e poder ampliar no futuro o paseo marítimo.
• 10.000€ para complementar o investimento en marcha nas diversas fosas sépticas das aldeas da Redonda.
• 10.000€ para renovar o mobiliaro urbano.
• 43.000€ para a renovación da instalación eléctrica no Vilar. Esta partida serve para complementar o investimento da subvención do IDAE para renovar todo o alumeado de Quenxe e o paseo marítimo ata Cee por unha máis eficiente.