Presentábase este sábado 7 de decembro, con gran éxito de participación e apoio, a Plataforma "Xuntos polo Centro de Día de Corcubión”. Volve así a sociedade civil tomar o mando desta reivindicación histórica, como xa acontecera arredor de 2020, para intentar abrir esta infraestrutura social necesaria tanto para o Concello como para a comarca.

A directiva da Plataforma, paritaria como debería ser a responsabilidade dos Coidados, está formada por Mercedes Xoubanova, Luís Corral, Vicente Jesús Bernal, Luisa García e Maria Jose Abelleira, pero está aberta a novas incorporacións.

Bernal dou conta das intencións desta Plataforma “apartidista”, que trata de contar, antes de nada, co apoio de toda a cidadanía e dos grupos políticos locais para conseguir “un resquicio de luz para a apertura do Centro de Día”.

A Plataforma agradeceu a implicación do actual rexedor dende que se enteirou a creación da plataforma, e asegura que vai manter reunións coa Xunta de Galicia, a Deputación e ata 17 concellos da comarca que poidan apoar a demanda.

A veciñanza relatou as súas complicadas tesituras para coidar aos seus maiores, deixando clara necesidade do Centro, tan importante como o propio Hospital.

Histórico da loita polo Centro de Día de Corcubión

Aló por 2009 xa a rehabilitación do edificio do Asilo para convertilo nun Centro de Día era unha das principais demandas do envellecido pobo corcubionés. En 2011 a Deputación comezaba as obras de rehabilitación do edificio, que non remataban ata 2014. Dende ese mes de novembro, 10 anos despois, o edificio do Asilo segue esperando a instalación dun centro de día que podería dar cabida a unhas 22 persoas, se ben polo medio tamén houbo quen pediu a creación dunha Residencia de Maiores Pública aproveitando o abandonado edificio do Hotel El Hórreo. 

Aquí podedes ver o histórico nova a nova:  

• Novembro 2024: "Negar os centros de día é unha forma de violencia e de maltrato ás persoas dependentes”.
• Xullo 24: O Concello de Corcubión volve a denunciar a negativa da Xunta a abrir o Centro de Día.
• Outubro 23: O PP rescata a petición de Sempre Corcubión e pide convertir o edificio do Hotel El Hórreo nunha residencia de maiores.
• Novembro 21: Sempre Corcubión volve pedir a creación dunha residencia de maiores pública e comarcal.
• Abril 2021: Propoñen adquirir o Hotel El Hórreo e convertilo nunha Residencia comarcal para maiores
• Decembro 2020: O eterno retraso do Centro de Día de Corcubión volve ao Parlamento.
• Febreiro 2020: “Na Road Trip Protesta a Rianxo aprendimos que un Centro de Día é posible, e significa dignificar aos maiores”.
• Outubro 19: Boca de Sapo presenta 1.000 sinaturas para esixir a apertura do Centro de Día de Corcubión.
• Xullo 19: Un berro silencioso, e medieval, pola apertura do Centro de Día de Corcubión.
• Maio 2019: Corcubión enteiro sae á rúa polo Centro de Día.
• Maio 19: A cidadanía de Corcubión mobilízase polo Centro de DíaA cidadanía de Corcubión mobilízase polo Centro de Día.
• Camariñas, Corcubión e Ponteceso valoran o si da Xunta ao Centro de Día de Malpica.
• Outubro 2018: A Xunta volve negarse a poñer en marcha o Centro de Día de Corcubión.
• Outubro 2018: “Os técnicos de Servizos Sociais da comarca de Fisterra trasladaron á Deputación a necesidade de abrir o Centro de Día de Corcubión” 
• Setembro 2017: O BNG critica a postura da Xunta co centro de día de Corcubión.
• Setembro 2017: A Xunta rexeita a abrir o Centro de Día de Corcubión
• Novembro 2015: O BNG de Corcubión pregunta polo esquecido Centro de Día.
• Maio 2014: O Centro de Día de Corcubión ve a luz.
• Xaneiro 2013: O BNG de Corcubión denuncia un novo retraso nas obras do Centro de Día
• 09-03-11: O BNG de Corcubión pide á Deputación financiamento para rematar o Centro de Día.