O pasado venres celebrouse no Restaurante Molesón a Asemblea Xeral da Asociación de Empresarios de Santa Comba. Unha cita que se aproveitou para entregar os premios as tres mellores tapas que resultaron gañadoras segundo a puntuación dos tapeiros que fixeron a V Ruta de Tapas.

O 3º premio foi para a tapa “Dulce Mar”, elaborada polo Hotel Xallas, o 2º premio foi para a tapa “Revolto de zamburiñas e grelos” do Restaurante Tío Paco e o 1º premio para a tapa “Entre Galicia e América” elaborada por Café Bar A Nosa Vila.
Así mesmo resultou gañadora Tamara Rial co premio a tapeadora que consiste nunha fin de semana para dúas persoas nunha casa de turismo rural con detalle floral de benvida, cesta de froitas, cava e almorzo incluído.

De diplomas

Aproveitando a cita entregáronse os diplomas aos alumnos que realizaron con éxito o curso de manexo seguro de carretas elevadoras, dentro do marco de prevención de riscos laborais incluído nas liñas preventivas que promove a Asociación, e en canto a formación que próximamente organizará a Asociación, están os cursos de “Escaparatismo e Visual Merchandising” e “Formación Contínua CAP”, destinados exclusivamente a traballadores por conta allea e autónomos e que xa se poden inscribir nas oficinas da Asociación.

Fonte

• Empresarios de Santa Comba.