Tremenda a participación na Festa dos Maiores de Santa Comba. Nada menos que uns 1300 veciños acodiron á invitación do Concello a unha destas citas tan típicas do rural galego.

Despois da misa , e dunha actuación musical, interviu a alcaldesa de Santa Comba, María Pose que agradeceu a presencia de tantas persoas, e reivindicou este evento "coma unha homenaxe aos nosos maiores, que son moi importantes para Santa Comba".
O importante é xantar e facelo ben con bo polbo. Pero despois, houbo un baile animado polo trío Alborada.

Festival de Primavera

Ademais, a fin de semana estivo marcada polo festival primaveral que deu a Escola municipal de Música Moderna. O auditorio do multiusos encheuse para escoitar aos preto de 80 alumnos, de todas as idades, que forman a Escola de música moderna do concello de Santa Comba.

O festival foi presentado por un dos profesores, Xoán Leis.

Novas relacionadas

• Febreiro 2015: Sangría poboacional: Só Cee e Carballo teñen números positivos na última década.

Fonte

• Redacción de QPC ([email protected]).