A CMAT vén de abrir o prazo de inscrición nos diferentes cursos que conforman o programa de Mellora da Competitividade do sector turístico de Costa da Morte 2018. Nesta edición, a CMAT e a Deputación da Coruña traballaron no deseño de módulos adaptados a catro prioridades do sector como son a mellora do posicionamento de Costa da Morte como destino gastronómico (mellorando a competitividade do sector e a posta en valor dos produtos locais); a mellora da interpretación e a comunicación do patrimonio natural e cultural de Costa da Morte; a mellora da promoción e comercialización das actividades de turismo activo, de aventura e deportivo, e a optimización dos eventos deportivos como focos de atracción de viaxeiros; e a mellora das habilidades comunicativas en inglés para profesionais do sector, tanto empresas como traballadores dos concellos que están á fronte da atención ao viaxeiro de Costa da Morte. Impartiranse por tanto catro grandes módulos, dirixidos a estas 4 prioridades. Todos os cursos celebraranse en dúas edicións, e celebraranse en lugares repartidos polo territorio de Costa da Morte, co obxecto de facilitar o máximo posible a asistencia dos alumnos. A inscrición aos mesmos realizarase directamente coas empresas responsables de cada un do catro módulos, profesionais con gran traxectoria en cada un dos campos formativos.

Novas relacionadas

https://quepasanacosta.gal/a-cmat-aproveita-as-lendas-e-o-deporte-para-loitar-contra-a-estacionalidade-turistica-da-costa-da-morte/ “A CMAT e varias entidades da Costa participan na mesa de traballo para definir o Plan de Turismo Enogastronómico de Galicia” — Que pasa na costa “Empresarios de Bergantiños participaron na creación do Plan de Turismo na terceira mesa de traballo da CMAT” — Que pasa na costa “Unha bisbarra con Encantos” — Que pasa na costa “Cando a cultura e o deporte se convirten en motor económico” — Que pasa na costa Fonte

• Redacción QPC ([email protected])
• CMAT