Varias estradas da Costa da Morte están incluidas dentro de plan de mellora da Deputación A vindeira semana, o departamento de Contratación da Deputación da Coruña adxudicará os máis de 11,3 millóns de euros en obras de mellora do firme, rebacheo e limpeza de cunetas que se levarán a cabo nos máis de 2.100 quilómetros de estradas cos que conta a rede viaria provincial, e que se distribúen nun total de 33 grupos de actuación. Para tal fin, o departamento de Contratación do ente provincial abriu en tres xornadas laborais as plicas das máis de 2.000 ofertas económicas que se presentaron ao procedemento aberto para optar á execución das obras incluidas na primeira fase do Plan de conservación de Vías Provinciais 2016. O deputado responsable da área de Vías e Obras, José Manuel Pequeño, e o responsable da área de Contratación, Xesús Soto, destacaron que o feito de que o Plan de Conservación fose aprobado anticipadamente a finais de 2015 vai a permitir “axilizar a contratación e execución das obras” e realizalas antes de que remate a tempada estival. Asimesmo, destacaron o “inxente esforzo do persoal do servizo para levar a cabo a tramitación de tal dimensión de documentación nun prazo de tempo tan curto”, o que permitirá executar as obras con maior celeridade. Novas relacionadas

• A deputación licita as obras de mellora das estradas da Costa da Morte
• Tras ano e medio de obras, a autoestrada de peaxe da AG-55 volve ter dous carrís
• Pequeño: “O Concello ten que facer de empresa pública para fixar poboación”
• 20-08-15: “Se por min fose, a Volta Ciclista a España 2016 saía e chegaba ó Ézaro. Hai un bo entendemento co director do evento”.
• A Deputación inviste máis de 700.000 euros no arranxo da estrada que comunica Coristanco con Santa Comba

Fonte

• Redacción QPC ([email protected])
• Deputación