Esta mañá de venres a Asociación de Redeiras “O Fieital” en Malpica recibía a visita do delegado territorial da Xunta na Coruña, Ovidio Rodeiro. Unha visita enmarcada na apertura do prazo para solicitar as axudas ao asociacionismo e a participación das mulleres, unha vez que a entidade costeira foi unha das beneficiarias da convocatoria do ano pasado.

O prazo abriuse o pasado 22 de marzo e pecharase o próximo 22 de abril para presentar as solicitudes. O orde consta de dúas liñas:

1 – Consolidación do movemento asociativo, para compensar gastos correntes que orixine o mantemento e funcionamento das asociación de mulleres e as súas federacións. 2 –Promoción de actuacións singularizadas en materia de igualdade, de prevención de violencia de xénero e de acompañamento das vítimas, con especial incidencia nas mulleres rurais, mulleres maiores e/ou mulleres en situación de vulnerabilidade, no marco do Pacto de Estado contra a violencia de xénero. Os requisitos para optar a estas axudas son ter domicilio social en Galicia, estar inscritas na área de Igualdade do Rexistro Único de Entidades Prestadoras de Servizos Sociais en Galicia, ter presentada a memoria de actividades con anterioridade a que remate o prazo de solicitudes. Ademais, os fins obxectivos das asociacións e das federacións solicitantes deberán contribuír a promover a igualdade entre hombres e mulleres e a potenciar a participación e a presenza das mulleres na vida política, económica, cultural e social. Tamén deben cumprir que as mulleres socias representen, polo menos, o 90% da totalidade das persoas asociadas.

Novas relacionadas

• Ecos redeiros e oleiros do 8M en Malpica.
• Jenifer Suárez: "Gustaríame que o meu fillo aprendese de min o oficio de mariñeiro e seguise coa tradición familiar”.
• As mulleres fan unha chamada de urxencia ás administracións polo futuro do rural galego.
• Rita Míguez (Anmupesca): "Temos que mecanizar o mar”.
• Rosa Arcos: “O empredemento feminino está sendo un dos motores da revitalización o rural galego”.
• As Redeiras do Peirao caen na rede do Youtube para buscar o necesario relevo xeracional.