O Camiño debátese nos IES de Muxía e Fisterra
A Asociación de Periodistas e Estudosos do Camiño de Santiago (APECSA) leva o fenómeno da peregrinación a unha ducia de centros educativos. Así, o IES Ramón Caamño de Muxía e o IES Fin do Camiño acollen, este xoves, unha interesante charla con xornalista Xosé Mª García Palmeiro.
Con este ciclo, APECSA quere alentar á mocidade a traballar nunha tarefa común: a conservación, promoción e valoración do Camiño de Santiago como un ben patrimonio de todos, como un espazo cultural de comunicación e de espiritualidade, un dos máis importantes dinamizadores da economía dos lugares por onde pasa.
Nas conferencias ten un peso importante o debate sobre a conservación da natureza e do patrimonio e sobre a harmonía do territorio co desenvolvemento, defendendo os valores de solidariedade, igualdade e liberdade que se desprenden deste itinerario de comunicación.
O ciclo inclúe 14 conferencias a desenvolver no meses de outubro, en localidades situadas nos diferentes Camiños.
NOVAS RELACIONADAS
- Desestacionalización: Setembro e outubro confírmanse como bos meses para o sector turístico
- Solpor mándalle “Un Mar de Gracias” a Santiago de Compostela.
- Un paso adiante dende o Fonteboa para o proxecto DUMU, o Camiño de Dumbría e Muxía.
- A Translatio de Cereixo, a iconografía en pedra máis antiga que se coñece.
- Dumbría redescobre as Terras de Vákner.
- O primeiro peregrino estrea a Vía Mariana.
