Moita xente atopou pola rúa Antonio Rodríguez este nadal, nas súas vacacións de regreso en Camariñas. Coma el, moitos emigrados voltan a casa para pasar as sinaladas datas, e as vilas da Costa da Morte convértense en fervedoiros de encontros, ceas...

Antonio está em Suiza, como outros centos de camariñáns e costeiros. E Antonio fai pública a súa visión no portal suizo Swissinfo. Na súa fermosa, e triste, reportaxe, Antonio califica de "balón de osíxeno" o Jura suizo para toda a poboación galega.

Unha situación que se repite nos últimos 50 anos, deixando claro que o crecemento no noso país vai cara atrás. I é que a día de hoxe, de non ser polos nosos avós, e polas súas pensións, moitos máis dos que conseguimos quedar por estas terras, teríamos que coller as maletas, e tirar cara Suiza, por exemplo.

Non deixen de ler a reportaxe de Antonio Rodríguez en Swissinfo, pero teñan en conta, que atopar hoxendía un traballo en Suiza, non é tan doado como hai 50 anos.

Novas relacionadas

• Os costeiros do CD Iberia en NY superaron o furacán cunha gran cea polo 45 aniversario.
• O ABC del Partido de Corcubión celebra os seus 90 anos en Bos Aires.
• De Carnota a NY, con Manuel Vilar.
• Un cuarto da poboación da Costa da Morte vive fóra.

Artigos relacionados

• Lonxe de Montevideo, con Manuel Suárez Suárez: As cartas do avó Pascasio: Esperando ós Reis Magos.

Fonte

• Swissinfo: Suiza vuelve a ser "un balón de oxígeno".