”Se non hai desexo mutuo, entre ti e mais eu non hai química”. Así reza a nova campaña da área provincial de Igualdade, que xestiona a deputada María Muíño. A campaña #aunicaquimica pretende reivindicar unhas festas respectuosas, para poder gozar das festas sen medo, libres de submisións químicas e doutras violencias de xénero.

A campaña xoga cos elementos químicos, reivindicando que a única química posible nas relacións está baseada na igualdade, o consentimento e a atracción mutua, e, en definitiva, no desexo entre as partes implicadas.
Unha campaña dirixida aos agresores, non ás vítimas como a última e políca campaña da Xunta polo 25N.

“Nunha época coma o Nadal, chea de festas e saídas nocturnas, é máis importante que nunca fomentar as relacións en igualdade e ocupar os espazos de lecer desde unha óptica de seguridade e diversión para todas as persoas” asegura María Muíño a respecto da idea que fundamenta esta acción.

A creatividade de #aunicaquimicaposible foi deseñada por Iria Otero e Marián Rodríguez da axencia As Peaky Branders e conta coa supervisión e asesoría en perspectiva de xénero de María Reimóndez.

Novas relacionadas

• O alumnado do IES de Baio aprende as novas masculinidades.
• A Maleta Viaxeira levou historias feministas ás crianzas das Escolas Infantís vimiancesas.
• #25N: 3 centros de ensino da Costa participan na ciberquedada da campaña provincial "De Fronte”.