As mulleres da Costa da Morte protagonizaron unha nova mobilización histórica polo 8M
Nova xornada histórica a que vivíu o país neste 8 de marzo de 2019, Día da Muller. Se nas cidades galegas se viviron grandes manifestacións (houbo ata 40.000 persoas percorrendo Coruña), a Costa da Morte tamén demostrou que está iinmersa nesta loita pola igualdade. Medio millar de persoas manifestáronse pola mañá en Cee, e preto de 2.000 fixeron o propio pola noite en Carballo. Cifras que demostran que verdadeiramente estamos ante unha data histórica para a revolución feminista en Galicia.
Emocionante foi a manifestación matutina en Cee. A Plataforma 8m Costa da Morte uniu case que unha ducia de entidades para protagonizar esta cita histórica. Faltou moita xuventude (moitos mestres e mestras non perdoaron a época de exames), pero si que se viviu unha das manifestación máis numerosas que se lembran, ademais da de Ferroatlántica de marzo de 2017.
A Organización Feminista Buserana aglituinou na Plataforma entidades como As curandeiras de Vimianzo, as Cantareiras de Buxantes, ou varias ANPAS da zona, ademais da CIG, que encheu de bandeiras a celebración. “Cos nosos dereitos, non se negocia”; A igual traballo, igual salario”; “Feminismo para adiante, machismo para atrás”; “Esta é a nosa revolta”, “Aquí está, aquí se ve, o femininsmo galego en pé” foron algúns dos cánticos que se oíron.
Ao remate da manifestación, que saíu da praza 8 de marzo, foi ata Fernando Blanco e volveu pola Alameda ao punto de partida, varias das entidades leron un manifesto, destacando o das Canareiras de Buxantes, con aturuxo incluído.
Folga laboral, de coidados e de consumo
A xornada de protesta ía acompañada da folga. Unha folga que non se notou demasiado no sector do comercio, pois apenas media ducia de establecimentos pecharon a porta ma vila da Xunqueira, se ben sin foron algún máis os que fixeron un paro dunha ou dúas horas.
Destacable foi a folga de 11 mulleres do Hospital, se ben no Centro de Saúde impuxeron servizos mínimos femininos.
Máis impotante foi o paro na industria. O 50% da traballadoras de Ferroatlántica de Cee e a pr´ctica totalidae das mulleres da conserveira Calvo de Carballo pararon.
Concentración matutina e manifestación nocturna en Carballo
Doble cita reivindicativa en Carballo. Pola mañá varios centos de persoas se achegaron a praza do Concello para berrar moi alto. Pero foi a da noite, con máis de 2.000 persoas a cita máis emotiva, cunha manifestación convocada polo Círculo Feminista de Carballo que partiu dos Xulgados e percorreo o centro da vila.
Galería da Concentración de Cee
Entrevistas 8M
- Jenifer Suárez: "Gustaríame que o meu fillo aprendese de min o oficio de mariñeiro e seguise coa tradición familiar”.
- Susana Salgado, unha empresaria muller no sector da Construción da Costa da Morte.
- Viki Rivadulla: "Bruxa fala do empoderamento feminino e a sororidade como ferramentas para loitar contra a violencia”.
- Marta Doviro: "Fai falta incrementar a presenza de mulleres en departamentos coma o de Guión, Son, Iluminación e Dirección”.
Artigos 8M
- Mulleres da Buserana: Unha Folga común polo 8 de marzo.
- Marisol Soneira: A igualdalde que hai que gañar cada día.
- Fátima Rodríguez: Non é violencia de xénero, o feminismo non me representa: Feminismo Liberal.
- Viki Rivadulla: 8M, conxuro polo empoderamento.
Novas do 8 de marzo
Máis novas
- Novembro 18: As Buseranas pechan un histórico 2018 na loita feminista na Costa da Morte.
- Marzo 18: Como secundou a folga feminista a Costa da Morte.
- Marzo 18: 8 de marzo: A Costa da Morte saíu á rúa con máis forza que nunca.
- Viki Rivadulla: 25N: Isto tamén vai contigo.