Seguimos recollendo queixas dos centros de ensino da bisbarra polos recortes no marco da #LOMCE neste comezo de curso. Onte iamos ata Laxe, onde teñen importantes necesidades de persoal docente. Hoxe toca achegarnos a Carballo, onde o Asociación de Nais e Pais A Granxa do CEIP Bergantiños alza a voz para criticar que a Consellería de Educación non ten sequera respostado ás súas demandas.

Pero é que ademais, a ANPA do centro bergantiñán quere manifestar a súa “máis fonda carraxe” ao ter coñecemento de que o centro vai ser dotado dunha persoa máis para impartir clases de relixión católica mentres non se cobren as necesidades do alumnado que precisa apoio por parte de especialistas en Pedagoxía Terapéutica ou Audición e Linguaxe.

”Ao noso entender quedan claras as prioridades da Consellería á hora de educar ás nosas fillas e fillos, aínda que estamos convencidos de que con rezos e plegarias non van mellorar as capacidades dos nenos e nenas”, denuncian.

Anuncian que en breve realizarán unha asemblea e este será un dos puntos a tratar.

Máis novas sobre a loita contra a LOMCE

• Importantes esixencias para o CPI Cabo da Area de Laxe.
• O CPI Cabo da Area tamén protesta os recortes mentres na Ponte critican o seu parche.
• O IES Pedra da Aguia critica o recorte de mestres no comezo do primeiro curso LOMCE.
• Parches en 16 centros educativos da bisbarra.
• A Xunta anuncia que manterá aberta a Escola de Carnés.
• A ANPA do CEIP de Malpica esixe unha solución aos problemas de persoal.
• Os pais e nais de Carballo piden o mantemento da novena unidade de Educación Infantil do CEIP Fogar.
• As ANPAS inciden na volta ao sistema de préstamo universal de libros de texto.
• As Anpas Galegas conclúen en Vimianzo que hai que seguir mobilizándose polo ensino público e de calidade.
• A Costa da Morte móllase polo ensino público.
• 09-05-13: A comunidade educativa para ao completo contra a LOMCE.

Fonte

• Redacción de QPC ([email protected]).
• Manuel Anxo Pardiñas, Presidente ANPA A Granxa.