O Centro de Formación Rutal EFA Fonteboa segue aprendendo a vida real

Costa da Morte carballo

09:45 20/02/14

Non ten parada o Centro de Promoción Rural – EFA Fonteboa. Só podemos quitarnos o sombreiro e felicitar o gran traballo que fai este centro. Formación real, formación nas aulas pero, sobre todo, a pé de rúa, como máis se aprende e como máis se involucra aos alumnos.
E podemos tamén erguer a voz e pedir un Centro semellante para a zona de Soneira, ou de Mazaricos, onde de seguro que ten saída.

O seu director, Luís García Fernández envíanos o novo programa de actividades, pensando xa na viaxe a Francia do vindeiro 7 ao 14 de marzo. Pero antes de contala, repasamos as últimas actividades da familia Fonteboa.

Proxecto Sabor Emprendedor

O noso proxecto favorito é o que leva a un grupo de alumnos cada semana ao Mercado de Carballo. Alí levan os produtos da horta que eles mesmos cultivan, coidan, colleitan e venden, aos veciños que teñen a ben premiar o traballo dos pequenos homes do campo.

Visita ao FIMA de Zaragoza

A delegación da EFA estivo un par de días de formación na Fima, a Feira da Maquinaria de Zaragoza. Pasárnono de medo escoitando as explicacións dos especialistas sobre os novos tractores, as novas serras... Aprendendo tamén a última tecnoloxía.

Novas visitas a explotacións

Alumnos do Fonteboa na explotacion cunicula Genaro Gomez

E se onte tiñan unha xornada sobre Instalacións de vacún de leite, máis importante son as visitas, como a fixeron á explotación cunícula Genaro Gómez. Alí estiveron os Alumnos de Grado Medio Explotacións Agropecuarias.