Venres. 29.03.2024
El tiempo

O Pacto de Emprego agradece a labor na Costa de Xosé M. Lado Lestón

O Pacto de Emprego agradece a labor na Costa de Xosé M. Lado Lestón

Recibimos unha carta do Presidente do Pacto Territorial de Emprego Costa da Morte, Félix Porto, na que agradece a Xosé M. Lado Lestón, ex secretario Xeral de CCOO da Coruña, a súa labor desenvolvida en prol da Costa da Morte.

Carta de Felix Porto

Estimado José M.:

Hasta hai pouco tempo tivemos a oportunidade de compartir xuntos os grandes desafíos que supuxo desenvolver o Pacto Territorial polo emprego da Costa da Morte.
A túa constante e desinteresada adicación a prol do Pacto, tanto nos bos como nos malos momentos, traducíuse en beneficios para todos os que vivimos na Costa da Morte, que estaremos sempre en débeda contigo.

Os membros do PTE que tivemos a sorte de traballar o teu carón dende o seu comenzo vimos en ti a un compañeiro comprometido e leal, sempre disposto a ofrecer o teu tempo e o teu esforzo a favor do proxecto que xuntos levamos a cabo. Nunca esqueceremos a firme defensa a prol deste Pacto territorial polo emprego que sempre mostraches ante as distintas administracións.

É por todo isto polo que na Asemblea Xeral do PTE Costa da Morte celebrada o pasado 15 de febreiro se acordou por unanimidade de tódolos membros trasladarche o noso agradecemento e desexarche moito éxito na túa nova andaina.

Unha forte aperta.

  • Félix Porto Serantes, Presidente do PTE Costa da Morte.

Fonte

  • Nota de prensa do Pacto de Emprego.

Comentarios