Oficina de emprego de Cee. Imaxe de arquivo O mes de setembro e o final do verán trouxeron consigo a consecuente subida do número de parados, con 95 desempregados máis nas comarcas de Bergantiños, Soneira, Xallas, Fistera e Muros con respecto ao mes de agosto deste ano. Segundo os datos publicados onte polo Ministerio de Emprego, a de Fisterra foi a comarca desta zona na que máis subiron o número de parados, con 123 persoas máis nas listas do antigo INEM. Pola contra, a de Soneira rematou o mes de setembro con 3 parados menos con respecto ao mes anterior. Por concellos, o de Dumbría e o de Cee foron os que rexistraron un maior incremento de parados, con 44 persoas en cada un dos casos. Na situación contraria están os concellos de Vimianzo e de Mazaricos que teñen 18 e 11 parados menos, respectivamente.   Novas relacionadas

• Xullo remata con case 700 parados menos na Costa da Morte
• O paro baixa en 600 persoas na Costa da Morte durante o mes de xuño

Fonte

• Redacción QPC ([email protected])
• Ministerio de Emprego