O PP propón que a Deputación colabore coa Xunta para paliar os danos dos incendios
08:06 18/08/16
Incendio en Toba rexistrado a pasada semana. Imaxe: Darío Gómez
Pasada xa a vaga de incendios da semana pasada, o grupo popular acaba de anunciar que presentará no pleno da Deputación da Coruña unha iniciativa para propoñer que a institución provincial colabore coa Xunta e cos concellos nun plan de avaliación e posta en marcha de medidas que axuden a paliar os efectos dos lumes forestais rexistrados nas pasadas semanas e que afectaron a varias parroquias de máis dunha ducia de concellos coruñeses, entre eles os de Porto do Son, Ribeira Santiago de Compostela, Ames, Narón, A Laracha, Cee, Vimianzo, Fisterra, Rois, Cerceda eRianxo.
Medidas
A intención dos populares é que a Deputación asuma a súa coordinación coa Xunta de Galicia, coa colaboración dos concellos, para fixar tanto as medidas para a recuperación da superficie forestal queimada como para paliar os danos ás propiedades e ás actividades económicas directamente relacionadas cos diferentes sinistros ambientais que, en maior ou menor medida, supuxeron un deterioro das condicións naturais e mesmo económicas dunha importante extensión do territorio provincial.
Deste xeito, segundo indican os populares, a Deputación contribuiría de forma efectiva na restitución dos danos producidos, "sumando o seu labor á que xa está a desenvolver o Goberno galego con destino ás persoas e lugares afectados polos lumes no conxunto de Galicia", sinalan.
Incendios forestais 2016
- 12-08-2016: Vimianzo esixe o cumprimento da lei de prevención contra os incendios forestais
- 11-08-16: Os incendios en Toba e Cures manteñen en vilo á Costa da Morte
- 10-08-16: #IFTobaCee: Outro incendio pon en perigo ducias de casas entre Cee e Fisterra.
- 10-08-16: Abriuse a veda dos incendios e despois de Cee tócalle a Fisterra e Muxía.
- 09-08-16: Cee sofre o primeiro gran incendio do verán.
Incendios forestais 2015
- 23-07-15: Coristanco tamén rexistrou un forte incendio que afectou a 23 hectáreas.
- 15-07-15: Un novo incendio arrasou case 10 hectáreas en Coucieiro.
- 14-07-15: Extinguido o incendio que arrasou con 42 hectáreas en Berdoias.
- 19-06-15: Un novo incendio provocado arrasa o monte de Serres.
- 16-06-15: Un incendio en Vimianzo calcina parte dunha explotación gandeira.
- 09-06-15: Gures estrea a tempada de incendios.
Novas relacionadas
- Os axentes forestais critican, un ano máis, a falta de prevención.
- Unha de prevención: A Xunta gastou no lume do Monte Pindo 14 veces máis do que invertira anteriormente.
Fonte
- Redacción de QPC ([email protected]).