Mentres espera pola xornada de cine inclusivo do 14 de decembro, a asociación Un Paso Máis, achegouse o pasdo venres ao CEIP Plurilingüe A Gándara - Sofán co seu habitual circuíto de deporte adaptado e inclusivo. Durante toda a mañá, o alumnado do colexio gozou no pavillón de deportes de varias actividades deportivo-educativas.

Unhas actividades para rir, divertirse e aprender o que é vivir con diversidade, fundamentais para avanzar no camiño de educar na inclusión. 

Esta visita ao CEIP A Gándara - Sofán, igual que o curso pasado, será o punto de partida dunha serie de actividades que continuarán nos próximos días, estando este ano por primeira vez en centros do Val do Dubra, Laxe e A Laracha:

• Luns 2 de decembro: CPI de Bembibre.
• Martes 3 de decembro: CRA: todas as escolas unitarias de Carballo na praza do Concello (1ª planta do mercado municipal en caso de choiva).
• Mércores 4 de decembro: CEIP Plurilingüe Nétoma - Razo.
• Xoves 5 de decembro: CEIP Xesús San Luís Romero.
• Xa están tamén comprometidas datas para abril cos seguintes colexios: CEIP A Cristina, CEIP Alfredo Brañas de Paiosaco, e CPI Plurilingüe Cabo da Area de Laxe.

O ano pasado só en centros do Concello de Carballo, e participaron nas actividades máis de 1500 escolares.  

Máis novas