Se xa o diciamos o luns, que está a Costa da Morte máis guerilleira que nunca. O domingo as rúas de Carballo eran tomadas por veciños que protestaron contra as Preferentes e contra a mina de ouro de Corcoesto. O luns a loita ía en clave educativa, e foron os pais, nais e alumnos da Federación de ANPAS da Costa da Morte a que protagonizaron un simbólico peche en contra da LOMCE e os recortes en educación. Por un Ensino Público de calidade, vaia.

Deste xeito, nais, pais, alumnado, anpas, representantes de CIG-Ensino e profesorado participamos o luns no "Peche Educativo contra a LOMCE e os recortes en educación". Foi unha das moitas xornadas prantexadas por toda Galicia convocadas pola Plataforma Galega en Defensa do Ensino Público, ante o que consideran "unha lei anti – educativa, involucionista, regresiva, agresiva, antidemocrática, recentralizadora, españolizadora, elitista, clasista, mercantilista e reaccionaria que a comunidade escolar da Costa da Morte, representada pola Federación de ANPAs da comarca, rexeitamos na súa totalidade".

O primeiro foi unha concentración – manifestación, realizada no exterior do IES Alfredo Brañas de Carballo, para despois realizar unha mesa redonda no salón de actos do instituto, onde toda a comunidade educativa coincidiu en que "a LOMCE prexudicará notablemente ao ensino público, impedíndolle á maioría social do noso país o acceso aos estudos pos- obrigatorios".

A protesta rematou polas 9 e media da mañá, un pouco antes do comezo das clases.

Novas relacionadas

• Bergantiños sae á rúa.
• A Costa da Morte tamén loita contra o copago nos comedores escolares.
• Os pais e nais da Costa da Morte envían unha carta de preocupación ao Conselleiro ante os orzamentos de educación.
• A ANPA do Agra Raíces pide unión da comunidade educativos nos peores momentos do ensino público.
• A bitácora da semana (CCI): A Federación de Anpas da Costa da Morte.
• A Fedanpa convoca unha concentración polo Ensino Público na capital de Bergantiños.
• As ANPAs propoñen un referendum pola reutilización e gratuidade dos libros.
• As Anpas da Costa da Morte propón un programa de reutilización de libros de texto.
• A Federacións de ANPAs da Costa da Morte estréase cunha dura crítica á LOMCE.
• 17-10-12: A mocidade da Costa da Morte tamén se rebela por un ensino público.
• 10-05-12: A folga do ensino déixase notar nos centros da Costa da Morte.

Fonte

• FEDANPA.