Venres. 29.03.2024
El tiempo

Os percebeiros piden incluír a palabra “percebeiro-a” no Diccionario da RAG e da RAE

  • Última hora: A RAG acepta o pedimento de incluír "percebeiro" no seu dicionario.
Percebeiros da Barca by Juan Louro
Percebeiros da Barca by Juan Louro
Os percebeiros piden incluír a palabra “percebeiro-a” no Diccionario da RAG e da RAE

Non. “Percebeiro-a” non aparece no dicionario da Real Academia Galega, nin no Portal das Palabras. Nin tampouco diccionario da Real Academia Española.

Foi unha mestra de Muxía a que lle trasladou esa inquedanza aos percebeiros de Muxía, dos máis activos nos últimos meses, liderando a candidatura da súa profesión como Patrimonio Cultural Inmaterial da UNESCO. E xa metidos en bregas, non dubidaron en poñerse mans á obra para solventar esta carencia.

A través do Concello puxéronse en contacto co presidente da RAG, que lle trasladou que fixeran a petición oficial para que o dicionario recoñeza o nome da profesión, como tamén acontece con zapateiro e outras moitas.

E a resposta non se fixo esperar, e a RAG xa vén de responder positivamente ao pedimento. En realidade a incorporación de "percebeiro" no Dicionario foi en realidade abordada no Seminario de Lexicografía con anterioridade á proposta da Asociación Percebe da Barca, dentro dos traballos de revisión e actualización continua que se fai do repertorio, que inclúe decote completar familias léxicas. O Seminario de Lexicografía agradece en todo caso o interese do sector pola inclusión desta voz.

 

Dirección á RAE

Non van quedar aí, e tamén van solicitar á Real Academia Española a inclusión da mesma palabra, en galego. “Se aceptaron community manager terán que aceptar percebeiro por diante de percebero”, sinalan os profesionais do mar.

O grupo de mariscadores continúan tamén a loita pola candidatura, ao tempo que preparan o seu asalto ao Madrid Fusión. Están preparando un escrito para que todos os rexedor@s de Caión a Fisterra envíen á Consellería de Pesca para solicitar unha reunión e ir blindando os pasos necesarios para chegar a Europa.

Novas relacionadas

Comentarios