As cifras non deixan lugar a discusión: a eficacia dos servizos antincendios diminúe, segundo nos contan dende o xornal colaborador e membro da Asociación de Medios en Galego Galicia Confidencial. Agora hai menos lumes, pero de media queiman case tres veces máis monte. A CIG alerta que isto débese a privatización do dispositivo e a que os medios públicos teñen que traballar con vehículos “esnaquizados”. Na súa opinión, o país non está preparado para un vaga de lumes, aínda que sexa só 10% de virulenta da de 2006.
Tódolos anos o país sufre a lacra dos lumes forestais. A peor época foi na década dos anos 90 este problema acadou tal magnitude que se rondaron medias superiores ós 10.000 lumes/ano e superándose temporalmente os 15.000 lumes/ano. Nestes anos dramáticos case a metade dos lumes de todo estado español se produciron en Galicia. Daquela a principal arma de actuación fronte a este drama social e medioambiental era o Servizo de Prevención e Extinción de Incendios Forestais Da Xunta (SPDCIF). Na seguinte década tamen houbo anos dramáticos. Na memoria de todos fica gravado o ano 2006 con casi 100.000 hectáreas queimadas e medias diarias de máis de 300 lumes durante casi tres semanas. Aínda que o número de lumes foi baixando de xeito importante a partir do ano 2006, a eficacia nas tarefas de extinción diminuíu. Así, a superfice queimada por lume forestal case se tripiclou, segundo datos extraídos dos informes anuais publicados polo Ministerio de Medio ambiente. Nos documentos oficiais dise que a media por lume forestal na década (1991-1999) foi de 2,59 ha/lume con medias de mais de 10000/ano e a partir do quinquenio 2000-2005, a media por lume foi de 2,97ha/lume con medias tamén brutais de case 10000 lumes/ano. Curiosamente a partir do ano 2006 os lumes diminúen a menos da metade pero increméntase a superficie queimada por lume a valores de 6,4 ha/lume. Dende a CIG Administración advírtese que a perda progresiva de eficacia no dispositivo se produce” pola decisión política do goberno de reducir o peso do SPDCIF no total do dispositivo, pasando de ser 83% de todo o dispositivo o actual 35%”. Na súa opinión “trátase exclusivamente dunha decisión política e non técnica, que afonda xunto co abandono do rural e a precaria e imperceptíbel política de prevención no incremento do risco para o medio e incluso para a poboación do rural galego”. O sindicato alerta que no SPDCIF hai mais do 30% dos postos sen cubrir e cos vehículos autobombas esnaquizados de vellos. “Con estes mimbres sería practicamente imposíbel facer fronte a unha crise incendiaria mesmo que fóra a décima parte do ocorrido no ano 2006”, di a CIG Administración nunha denuncia presentada no Rexistro da Xunta.

Incendios forestais 2015

• 16-07-15: Coristanco tamén rexistrou un forte incendio que afectou a 23 hectáreas.
• 15-07-15: Un novo incendio arrasou case 10 hectáreas en Coucieiro.
• 14-07-15: Extinguido o incendio que arrasou con 42 hectáreas en Berdoias.
• 19-06-15: Un novo incendio provocado arrasa o monte de Serres.
• 16-06-15: Un incendio en Vimianzo calcina parte dunha explotación gandeira.
• 09-06-15: Gures estrea a tempada de incendios.

Novas relacionadas

• Os axentes forestais critican, un ano máis, a falta de prevención.
• Unha de prevención: A Xunta gastou no lume do Monte Pindo 14 veces máis do que invertira anteriormente.

Fonte

• Nova do xornal colaborador Galicia Confidencial.