Xa fixemos hai un par de semanas o cadro cos fondos do POS+ 2022 correspondentes aos Concellos da Costa da Morte. Hoxe, aproveitando a nova web presentada este venres pola Deputación da Coruña, facemos un repaso completo a cada unha das máis de 120 obras realizadas nos 19 concellos que cobre QPC.

Finalmente é un total de 12,62 millóns os que deixa este POS na comarca, sendo 96,5 millóns os que empregaron os Concellos dende 2017, cando se puxo en marcha este proxecto.

Un proxecto, e aí quixeron facer fincapé o presidente Valentín González Formoso como o vicepresidente Xosé Regueira, que supón o “maior plan de cooperación municipal de Galicia e un dos máis importantes de España”, que “outorga aos concellos a capacidade de decidir en que investir os fondos que se lles achega”.

A Deputación sinala que multipla por 4 as achegas dende a posta en marcha deste novo formato do Plan de Obras e Servizos. Este ano son case 90 os que reparte a entidade dos que 12,6 recaen na comarca. Un POS que deixa unha media de 700 euros por habitante na comarca, habendo concellos que reciben máis de 1.000 euros por habitante, e outros que rondan os 500. Formoso destacou que o baremo de reparto dos cartos é obxeticto, e se basea na superficie de cada concello, no número de lugares, e datos semellantes, como nos explica Domingo Guerra, o noso especialista municipal.

Analizando as obras que escollen os concellos, vemos que o 90% das obras que escollen os Concellos para desenvolver cos cartos do POS son vinculadas co asfalto. Apenas un 5% son obras de saneamento.

Facendo un repaso, só o Concello de Ponteceso perdiu as axudas, en dúas ocasións, ademais, 2017 e 2021.

Outras novas do POS

• O cadro do POS+23 para os Concellos da Costa da Morte.
• Domingo Guerra: Así é o POS+.
• 2022: Asfalto e gasto corrente, sen consenso: Así gastan o POS os Concellos da Costa da Morte.