#SoandoconForza: 8 recomendacións de libros musicais para acabar o verán

#SoandoconForza: 8 recomendacións de libros musicais para acabar o verán

10:32 20/08/21

Aquí vai esta serie de libros, acompañadas dun par de temas característicos, para enfocar, con ritmo, o final do verán:

"Energy Flash" - Symon Reynolds

Para quen lle interese a música electrónica, en como xurdiron as primeiras raves no Reino Unido, a importacia que tivo en este movemento Ibiza e as sesións de música balearic da man de dj Alfredo Fiorito, para dar paso a explosión do acid house. Ademais de repasar os inicios da música house, tecno e outras variantes da electrónica en cidades como Chicago, Detroit, Manchester ou Nova Iork.

"Future Days" - David Stubbs

Historia da cultura alemana e o Krautrock, os inicios de Kraftwerk, Neu!, Can... de como este xénero chegou a influir entre outros moitos, a visionarios musicais como a Brian Eno, David Bowie ou os primeiros productores de tecno de Detroit.

"Postpunk. Romper todo y empezar de nuevo" - Symon Reynolds

Unha historia de este estilo musical, comprimida entre 1978 a 1984, que aproveitando a filosofía ¨Do it yourselft¨ do punk, unido a técnicas de producción e composición do dub, krautrock, funk e free jazz, deron con un dos últimos movementos musicais máis vanguardistas.
Ademais de como se repasa a eclosión dos selos independentes.

"The Haçienda: cómo no dirigir un club" - Peter Hook

O titulo do libro non pode ser máis acertado, anécdotas do caos para xestionar esta emblemática discoteca, berce do movemento Madchester, da man do baixista de Joy Division e New Order, Peter Hook, que ademais era copropietario da discoteca xunto co resto dos seus compañeiros de New Order e outros socios máis.

"La Música no es lo más importante" - Javier Becerra

Grandes anécdotas e reflexións dun melómano en pleno confinamento sobre as relacións que mantemos coa música, dende como o esnobismo nos pode limitar de gozar da música sen prexuizos, de como podemos chegar a ter unha actitude infantil renegando de grupos que no pasado nos gustaban, ou como intentamos modificar o pasado só por facernos participes del. Quen non estaba vendo a Bola de Cristal aínda que tiveras 5 anos cando se emitía?

"Bacalao" - Luís Costa

Un profundo exercicio por recoñecer a relevancia que Valencia tivo musicalmente en toda Europa, como as primeiras actuacións en España de bandas referentes como Stone Roses foron en Valencia, como os pinchadiscos empezaban a misturar guitarras con electrónica en discotecas para máis de 2000 persoas (tan de moda anos despois en Barcelona), as tendas de discos cos mellores discos de importación de música alternativa.
O daño que fixo a expresión “Ruta do Bakalao” e porque Valencia foi moito máis que Chimo Bayo.